Youq Henz Hawsingz - 广西民族报网

Youq Henz Hawsingz

来源：广西民族报网

作者：□ Hoz Hwngzcingh raiz Cau Dwzfeih hoiz

发布时间：2026-07-08

Mbouj rox dwg baez daih’it banhaemh youq lajmbanj ninz, roxnaeuz aenvih coenz vah hohfuk Laujcinz, ninz youq gwnz mbonq banngoenz Laujcinz bang gou nda ndei haenx, haemhhaenx gou couh guh fangzhwnzloq. Ndaw loq, mbouj rox guhlawz gou gingqyienz daeuj daengz ranzlaux Laujcinz. Dwg, couhdwg banngoenz de naeuz, de naemj dauqbae ranzlaux, ndaw loq, gou yawjraen Laujcinz coih ndei aen ranzgaeuq de. Dwg aen ranznamh giek caep rin ndeu, mbouj moq hix mbouj gaeuq, mbouj hung hix mbouj iq, ngamq gaeuq youq. Gyanghongh baihnaj ranznamh gvangq raixcaix, coq ndaej sojmiz doxgaiq aen gyanghongh lajmbanj wnggai miz haenx： Duz mahenj dawz dou ndeu, geij duz gaeqmeh ok gyaeq, geij go makit caeuq makbwzyanghgoj seizbienh banh, geij coij byaek heunyaunyau. Youq cungqgyang gyanghongh, gou yawjraen Laujcinz cingq ninz youq gwnz aen daengqgyanx ndeu. Caiqlij gwnz ciengz, miz duj valwgbaenq ndeu cingq hai hoengh.

Youq gak hongh, gou lij yawjraen aen cisamloek gaijcang Laujcinz. De youq hawsingz deng lanz deng humx gizgiz cungfofo. Seizneix, de dinghdingh daengx youq gizhaenx. Baihrog gyanghongh dwg doenghnaz gvangqlangh, de ndaej cang haeuxgok、maenz、haeuxyangz、lauxbaeg、byaekheu、fwnz rimrwdrwd, youq lajmbanj haifofo, mbouj yungh caiq ciuqeiq loh dem loh gveihcwz hawsingz. Aen ci neix caeuq Laujcinz ityiengh, dauq daengz aen dieg seizbienh bae gizlawz.

Youq gyanghongh gou mbouj raen daeglwg Laujcinz. Banngoenz gangjgoj, Laujcinz haujlai baez gangj daengz de dwg vihliux daeglwg cij haeuj singz. Laujcinz naeuz daeglwg de mwh iq gvai raixcaix, daeglwg de coengmingz gvaq lwgnyez wnq ndaw mbanj. Gyanghongh yawj hwnjdaeuj mbouj miz saek gij riz daeglwg Laujcinz youq. Buhvaq gaiqyungh bouxcoz gijmaz cungj mbouj miz. Gig cingcuj, daeglwg Laujcinz louz youq hawsingz, mbouj caeuq Laujcinz caez dauq daengz ndaw mbanj.

Aenloq, dingzdingz duenhduenh, ndiundiu ninzninz, hawj gou mbat seiz faen mbouj rox, dauqdaej dwg Laujcinz youq ndaw loq gou, lijdwg gou youq ndaw loq Laujcinz; aen ranz haenx dwg aen ranz ndaw loq, lijdwg aen ranz caen ndaw ndwenngoenz.

Lajroq

Gou gangj mbouj cingcuj gij gvanhaeh gou caeuq Auciengj. Couh lumj gou gangj mbouj cingcuj gij gvanhaeh gou caeuq haujlai vunz henzgyawj. Dou lumjnaeuz caeuq haujlai vunz mingzdaeuz miz gak cungj gak yiengh gvanhaeh, hoeng dauqdaej dou dwg dou, gyoengqde dwg gyoengqde. Raeuz caeuq mbangj boux doxbungz lumjnaeuz mbouj miz gijmaz gvanhaeh, caiqlij suenq mbouj ndaej dwg roxnaj, hoeng gyoengqde cix ndaej daengz caeuq bungz daengz gij gungx ceiq unq ndawsim raeuz.

Haetromh, gou ngamq haidou, Auciengj couh youq bakdou ranz gou. Seizhaenx miz di mbouj cwxcaih. Mbouj cwxcaih dwg Auciengj yakyawj lai. De baihlaj daenj geu vaqndaw ndeu ndwi, baihgwnz daenj geu buhndaw saekheu doiqsaek ndeu, daengx ndang buhvaq dan aen’aek doxhwnj miz di hawq, buhvaq aen’aek doxroengz dumzsubsub, nem gaenj- gaenj youq gwnz aendungx de. Seiz mbouj seiz miz raemx daj gwnz ndang de ndik doek roengz gwnz namh bae. Auciengj dwg daj aen daemzbya doiqnaj dangh raemx byaij gvaqdaeuj. Lienzdaemh geij ngoenz fwnhung, hung raixcaix, gwnzmbwn lumjbaenz miz aen beuz hung ndeu buet raemx doxroengz. Raemx hwnj mboujdan dumh aen daemzbya dieg daemq lo, hix dumh aen ranzbenj iq Auciengj youq haenx bae baenz buenq. Gou naemj Auciengj haemhlwenz haengjdingh baenzhwnz mbouj ninz. Raemx dumh daemzbya, dumh aen ranzbenj iq de, raemx hwnj baenz conq baenz conq, doeklaeng de cijndaej naengh youq dieg ceiq sang ndaw ranz, caj ranzrongh. Auciengj ndwn youq bakdou ranz gou launyaenq naeuz：Gou ciq youq lajroq mwngz song ngoenz ndaej mbouj ndaej？ Gangj sat de song fwngz gaem gakbuh dumzsubsub haenx ndaetndaet bae, ngaem gyaeuj, lumj boux siujhagseng ndwn youq baihnaj lauxsae nei. Mbouj rox dwg lau gou mbouj ei, lijdwg gij yienzaen wnq. Caeuq vunznajseng mbouj baedauq gvaq ndeu dwen aen iugouz baenzneix, doiq de boux vunzguhnaz geq neix daeuj gangj, caen miz di mboujeiqseiq. Danghnaeuz mbouj dwg caen mbouj miz banhfap, gou naemj de mbouj ndwn youq baihnaj gou haibak coh gou. Muengh yawj doengh raemx aen daemzbya mbat ndeu, caiq yawj bouxlaux baihnaj caeuq daxboh gou doengzban nienzgeij hung gvaq gou song byongh neix, yienznaeuz raen miz di liuh mbouj daengz, hoeng gou lijdwg ngaekngaek gyaeuj.

（4）

不知道是第一次晚上住在乡村，还是因为老陈的那一句祝福，躺在老陈白天为我装好的床上，当晚我就做了个梦。在梦里，不知怎的我竟来到了老陈的老家。是的，就是白天他说的，他想要回去的老家。在梦里，我看见老陈修好了他的老房子。那是一栋以石头做底垒砌起来的土房，不新也不旧，不大也不小，刚好够住。土房前的院子很大，容得下一个乡村院子该有的一切：一只看门的老黄狗，几只下蛋的老母鸡，随意攀爬的几棵葡萄和百香果，几垄长着绿油油青菜的菜地。在院子的正中央，我看到老陈正躺在一张摇摇椅上。而院墙上，一朵牵牛花正探出头。

在院子的一角，我还看见了老陈那辆改装的三轮车。它曾经在城市被围追截堵四处突围。现在，它安静地停在那。院子外是广阔的原野，它可以满载着稻谷、红薯、玉米、萝卜、青菜、柴火，在乡间尽情驰骋，不用再遵守城市的种种规则。这辆车和老陈一样，回到了一个不用四处突围的地方。

在院子里我没有见到老陈的儿子。在白天的聊天中，老陈多次提到他是为了儿子才进城的。老陈说他儿子小时候是多么的乖巧，他儿子比村子里其他的孩子都要聪明。这个院子看起来没有老陈儿子生活的任何痕迹。年轻人的衣物用具什么的都没有。很显然，老陈的儿子留在了城市，没有跟随老陈一同回到村子。

梦，断断续续，时而清醒，时而恍惚，以至于我一时分不清，究竟是老陈在我的梦中，还是我在老陈的梦中；那房子是梦中的房子，还是现实中的房子。

屋檐下

我说不清我和蒋叔之间的关系。就像我说不清我和身边很多人的关系。我们看似和很多人有名义上的各种各样的关系，但是最终我们是我们，他们是他们。我们和一些人萍水相逢看似没什么关系，甚至还算不上是个熟人，但他们却能抵达和触碰我们心底最柔软的角落。

一大早，我刚打开门，蒋叔就出现在我的门口。当时气氛有些尴尬。尴尬来自蒋叔的狼狈。他下身只穿了一条内裤，上身穿着一件褪色的军绿色衬衣，全身上下只有胸部以上的衣服是半干的，胸部以下的衣服湿漉漉的，紧紧地贴在他起伏的肚子上。时不时有水珠从他身上滴落到地上。蒋叔是从对面的鱼塘涉水走过来的。接连几天暴雨，噼噼啪啪下得天昏地暗，天上好像有一个巨大的水瓢在往下泼水。升高的水位不但把地处低洼地段的鱼塘淹没了，也把蒋叔居住的小板房淹了一半。我想蒋叔昨晚必定是一夜未眠。水漫过鱼塘，漫进他的小板房，水位一寸寸升高，最后他只能坐在房里的最高处，等待天亮。站在我门口的蒋叔怯生生地说：我可以在你的屋檐下暂住两天吗？说完后他两只手紧紧地捏着湿透的衣服下摆，低着头，像一个小学生站在老师面前一样。不知道是担心我拒绝，还是别的什么原因。向一个从没打过交道的陌生人提出这样的要求，对他这个一把年纪的老农民来说，似乎是有点难为情。若不是实在没有办法了，我想他是不会站在我面前向我开口的。望了一眼一片汪洋的鱼塘，再看着眼前年龄大我两轮跟我父亲同辈的老人，虽然感到有些意外，但我还是点了点头。

编辑：实习生冯慧琴复审：黄慧华终审：蒙树起