Youq Henz Hawsingz - 广西民族报网

Youq Henz Hawsingz

来源：广西民族报网

作者：□ Hoz Hwngzcingh raiz Cau Dwzfeih hoiz

发布时间：2026-07-08

doz dwg AI guh

Laujcinz haeuj singz haujlai bi lo, seizneix dwg seiz de haemq habhoz. De miz le faenh caizcanj bonjfaenh, hix dwg gaiq hongdawz de ra ngaenz aen cisamloek gaijcang ndeu. Ndangci gya raez, gyacang fazdunggih dem, baenzneix hawj de ndaej cang huq lai gvaq, caiqlij mbouj aeu sai maz rengz. Gou dingq ndaej ok, Laujcinz aenvih miz aen ci neix roxnyinh ndaengndiengq caeuq miznaj. Hoeng ndaengndiengq dwg ndaengndiengq, miznaj dwg miznaj, hai aen cisamloek gaijcang neix ok loh, Laujcinz lijdwg aeu siujsim riri. Aen hawsingz daihneix ndeu, miz gij gvigawj hawsingz daihneix, mbouj dwg sojmiz loh, mbouj dwg seizlawz, cungj cinj de aen ci gaijcang neix ok loh. Mbangj diuz loh de hai ndaej, mbangj diuz loh de hai mbouj ndaej, Laujcinz aeu rox cingcuj di neix, mboujne de couh ngaiz ngaenz lo.

Aenbaez gangjvah, itbuen boux yawj da boux. Lwgda dwg aencueng sim, raeuz ndaej doenggvaq aen cueng neix yawjraen aen seiqgyaiq baihlaeng vahgangj, hoeng Laujcinz mbouj caeuq gou doxyawj geijlai, de haep aen cueng neix coh gou. De doq ngaem gyaeuj guh hong, doq caeuq gou gangj, lumjnaeuz daegdaengq ndojdeuz lwgda gou. Gvaq yaep ndeu le gou cij yawjraen, song ceh da Laujcinz mbouj doxdoengz, miz ceh ndeu monghau mbouj miz rongh, raen daengz gou cim lwgda de, Laujcinz miz di mbouj swhyienz dwen daengz ceh da neix, gijhaenx dwg baez guh hong ndeu deng sieng lo. Gou cam de dwg guh gijmaz hong deng sieng, Laujcinz ww aa naeuz gijwnq. De naeuz de guh gvaq haujlai hong, doenghgij hong haenx dingzlai yungyiemj, hoeng lohloh hong cungj miz vunz ciengj guh, mbouj guh couh mbouj miz haeux gwn. Gou cijndaej naemj, lauheiq dwg youq laj gyaqdinfwngz laeuzsang cienzciep cienvax, cingq ngiengx gyaeuj caeuq boux doihhong baihgwnz gangjvah, deng gaiq cienvax roxnaeuz rinsoiq loeng doek dawz lo, lauheiq dwg mwh buen ganghginh、faexcuk doenghgij doxgaiq raeh neix, deng boux doihhong mbaqmbingh gvaq doiqnaj daeuj mbouj siujsim coeg deng lo. Laujcinz lumjnaeuz mbouj naemj gangj sijsaeq lai, lumjnaeuz mbouj cingznyienh dwen dauq gij saeh siengsim, gou cam lai hix mbouj baenz, dan rox Laujcinz doeklaeng hix mbouj ndaej vunz boiz saek faen ngaenz. De naeuz cujyau dwg gvaiq bonjfaenh mbouj siujsim, mbouj ienq bouxwnq. Gou bonjlaiz naemj caeuq de naeuz, mwngz suenq dwg sienghong ndaej bae ra boux doihhong cauxsaeh, hix ndaej bae ra lauxbanj hawj de boiz, hoeng vah daengz henz bak youh sou doxdauq, lauheiq boux doihhong mbouj siujsim bungq sieng hix caeuq de ityiengh ndoq, ndaw daeh mbouj miz saek faen ngaenz, lauheiq lauxbanj gaenq buetdeuz lo. Caiqlij cungj gvaqbae baenzneix nanz lo, yaek gyaep cwzyin byawz hix mbouj dwg gienh saeh yungzheih. Lumj Laujcinz boux vunz baenzneix, yawjsiuj swhgeij gvenq lo, bungz saeh gvaiq bonjfaenh gonq, cungj dwg bonjfaenh gag nyinh mingh, cungj dwg gag fak naj swhgeij song mbat gonq.

Ding ndei naed ding ceiq doeklaeng le, Laujcinz ngiengx gyaeuj caeuq gou naeuz, mbonq nda baenz lo, mwngz aeu mbouj aeu ninz yawjyawj bingz mbouj bingz、maenh mbouj maenh? Gou mbouj ninz hwnjbae. Dan lumj genjcaz loekci heiqci nei din mbaeumbeng dik seiq ga mbonq mbat ndeu. Mbonq maenhdwddwd. Baenz, gou naeuz, ei gvenq dwg mbouj dwg yaek hawj mwngz aen hoengzbau ndeu? Gou youq hawsingz gvaq ngoenz lai bi, mbangj gaiq sibgvenq lajmbanj mbouj geiq cingcuj, hoeng gyajgyumq geiq ndaej, cingj bouxwnq nda mbonq yaek hawj hoengzbau. Laujcinz mbouj cigsoh hoiz gou. De lumjnaeuz mboujeiqseiq. De aiq mbouj naemj daengz miz vunz baenzneix cigsoh cam de, gvaq yaep ndeu de najhoengz naeuz, gijneix mbouj youqgaenj. Mwh ciep aeu aen hoengzbau ngeihcib maenz gou hawj de, Laujcinz riengjret oet haeuj daehvaq bae. Gou yawj ndaej okdaeuj, de lainoix lij raen miz di najmong. Aeu gij ngaenz mbouj dwg ngaenzhong, de lijdwg mbouj gvenq.

“Muengh mwngz banhaemh ninz ndaek!” Mwh nda ndei mbonq hwnq ndang lizbae, Laujcinz riu caeuq gou naeuz coenz vah hawj gou liuh mbouj daengz ndeu. Gou naemj mbouj daengz Laujcinz gangj okdaeuj coenz vah gig bingzciengz youh miz di unqswnh ndeu, hoeng gou hix gangj mbouj ok gijmaz leixyouz, vihmaz coenz vah baenzneix couh Laujcinz gangj okdaeuj mbouj ndaej. Dwg aenvih Laujcinz yahcienh、cocwd, lijdwg mbouj rox gangj vah? Gou engqlij mbouj rox neix dwg Laujcinz seizbienh gangj guhhek, lijdwg de gizsaed caeux couh rox gij cukcak ndawsim vunz ndaw singz naeuz gyoengqdou neix. De soengq baenzlai mbonq hawj baenzlai dieg gvaq, roxnaeuz de rox, youq aen hawsingz neix, haujlai vunz banhaemh ninz mbouj ndaek. Vunz hawsingz banngoenz naemj aeu doxgaiq lailai, daengz banhaemh lij itloh naemj. Gyanghaemh vunz caem, cungj mizmbangj cueng lij rongh daeng, ciuq boux caengz ninz.

（2）

目前是老陈进城多年来较为满意的。他拥有了自己的财产，也是他赚钱的工具一辆改装的三轮车。车子加长了车身，加装了发动机，这让他可以装更多的货，而且不用费什么力气。我听得出来，老陈因为这一辆车感到骄傲和自豪。但是骄傲归骄傲，自豪归自豪，开着这辆改装的三轮车上路，老陈还是得小心翼翼。一座现代化的城市，有现代化城市的规矩，并不是所有的路，并不是所有的时段，都允许他这辆改装车上路的。有些路他可以走，有些路他不可以走，老陈必须搞清楚这一点，否则他要付出代价。

正常的谈话，一方会注视着另一方的眼睛。眼睛是心灵的窗户，我们可以通过这扇窗户看到语言背后的世界，但是老陈几乎不与我正面对视，他向我关闭了这一扇窗户。他一面低着头干活，一面跟我搭着话，似乎有意地避开我的目光。过了好一会我才发现，老陈的两只眼睛是不一样的，有一只灰白而无光，感觉到我在盯着他的眼睛，老陈有点不自然地提及这眼睛，那是在一次干活时被弄坏了。我问他具体是干什么活弄坏的，老陈却支支吾吾顾左右而言他。他说他干过的活太多了，那些活大多是有风险的，但每一种活都有人抢着做，不做就没饭吃。我只能猜测，也许是在高楼的脚手架下传接砖瓦，正仰头跟上面的工友说话，被一块意外掉下来的瓷砖片或碎石块砸中了，也许是在搬运钢筋、竹子等尖锐的材料时，被对面急匆匆走过来的工友不小心刺伤了。老陈似乎不想讲得太详细，好像不太愿意重提伤心事，我也不好问过多的细节，只知道老陈最后也没拿到什么赔偿。他说主要是怪自己不小心，怨不得他人。我本想对他说，你这算是工伤可以去找肇事工友，也可以找老板索赔，可是话到嘴边又收了回来。也许不小心碰伤他的工友也跟他一样穷得叮当响手里拿不出几块钱，也许老板已经跑了。况且时间都过去那么久远了，要追究谁的责任也不是那么容易的事。像老陈这样的人，习惯卑微地匍匐在地，遇到什么事，总是先怪自己，总是自己先认命，总是狠狠地先抽自己两大耳光。

在固定好最后一颗螺丝钉后，老陈抬起头对我说，床装好了，你要不要躺上去看看平不平、稳不稳？我没有躺上去。只是像检查汽车轮胎那样把四个床腿都用脚轻轻踢了一下。床纹丝不动。挺好的，我说，按惯例是不是要给你包个利市？我到城市生活多年，对有些乡下的习俗搞不太清楚，但是隐隐约约记得，请别人安床是要给个利市的。老陈没有直接回答我的问题。他似乎有点难为情。他可能没有想到有人会那么直接地问他。过了一会他红着脸说，这个无所谓的。在接过我递给他的二十元利市时，老陈快速地塞进了裤子口袋。我看得出来，他多少还是觉得有点尴尬。对于拿工钱之外的钱，他还是不太习惯。

“祝你晚上做个好梦！”在装好了床起身离开之时，老陈笑着对我说了一句让我意想不到的话。我无法想象这样一句极为平常又略显温情的话会从老陈的嘴里说出来，但是我也说不出什么理由，为什么这样的一句话就不能从老陈的嘴里说出来。是因为老陈的卑微、粗糙，还是不善言辞？我甚至也不知道这是老陈随口说出的客套话，还是他其实早已洞察了我们这些所谓城里人内心的挣扎。他往那么多的地方送过那么多的床，或许他是知道的，在这座城市，很多人晚上是睡不着觉的。城市人白天想要的东西太多了，以至晚上还一直在想。夜深人静，总有一些窗户的灯还亮着，照着未眠的人。

编辑：实习生冯慧琴复审：黄慧华终审：蒙树起