Ranz Dou - 广西民族报网

Ranz Dou

来源：广西民族报

作者：□ Vangz Hungzvei raiz Cwz Fanghdingz hoiz

发布时间：2024-09-09

　　Yah gou raen gou ngoemxngwd, youh aenvih bonjfaenh gangj ndaej miz dauhleix, vah engq lai lo: “Boh mwngz lijlun baenz dong, sizcenj ndi miz nauq.” Gou dwg bi duzlingz, youq mwh duzdingz loeklak deng duzma loengh guhcaemz, gou naeuz haenx dwg cingqciengz raixcaix, aenvih ndaw swzdenj cijmiz “loengh duzlingz”, mbouj miz “loengh duzma” cungj gangjfap neix.

　　Youq aen gunghswh laeujhenj, de faenguenj swnghcanj、genjcaz caeuq caizvu, gou faenguenj gisuz、gai caeuq ciepdaih. Miz baez ndeu, daeglwg cam yah gou: “Daxboh vihmaz cungj mbouj youq ranz gwn caeuz?” Yah gou han naeuz: “De miz wngqcaeuz.” Daeglwg cam: “Gijmaz dwg wngq- caeuz?” Yah gou siengj yaep ndeu naeuz: “Wngq- caeuz dwg bonjlaiz mbouj siengj bae hoeng youh mbouj ndaej mbouj bae.” Daeglwg lumjnaeuz rox youh lumjnaeuz mbouj rox ngaekngaek gyaeuj. Ngoenz daihngeih, gou hai ci soengq daeglwg bae hwnjhag. Daeglwg okdou le youh dauqma henz congz, ngauz ndiu daxmeh naeuz: “Meh, gou bae wngqcaeuz lo.” Yah gou dingq le daej riu mbouj ndaej……

　　Vihliux hawj daeglwg daj iq rox maij guhhong gaenx guhhong, caemhcaiq hawj de rox aen dauhleix ok rengz cij aeundaej doxgaiq, gou siengj ok aen banhfap gag nyinhnaeuz loq hableix ndeu. Gou doiq yah gou naeuz: “Hawj Sijdungz(mingz daeglwg) daj haj laeuz riuj nyapnyaj bae daengz douhung gunghswh, gou couh ciengj hawj de haj maenz ngaenz.” Yah gou mboujdanh vanzcienz doengzeiq, lij daezsingj daeglwg naeuz: “Vih fuengz daxboh mwngz dajlaih, mwngz aeu ngoenz riuj nyapnyaj haenx couh riengz de suenq cienz.” Daeglwg naeuz: “Meh, neix mwngz gaej you.” Gij saeh hawj gou siengj mbouj daengz dwg daeglwg moix ngoenz aeu nyapnyaj faen baenz sam daeh, faen sam baez riuj roengz laeuz, liux le cam gou aeu cibhaj maenz, ngoenz lawz mbouj miz nyapnyaj de hix rox gag caux ok nyapnyaj. Doeklaeng yah gou genyi cawx aen swxduengq yungh dienh ndeu, mbouj daengz aen singhgiz ndeu daeglwg couh mbouj miz souhaeuj lo.

　　Dangyienz, mwh gou lij iq hix diuqbeiz dangqmaz. Youq mwh doeg siujyoz ngeih nienzgaep, miz ngoenz ndeu mbwn laepngaungau rumz bongjhuhu, boux doengzdoih gou ndeu mbaet makbug ranz de roengzdaeuj, cuengq youq gwnzdeih le doqrwz doiq gou naeuz: “Yaep dem song raeuz lox buzyah, gou bae rag buzyah gou gvaqdaeuj yawj, mwngz couh naeuz dwg rumzhung bongj makbug roengzdaeuj.” Mwh boux doengzdoih gou buet haeuj ndaw ranz de bae duengqdang buzyah de, gou couh naemj, makbug daj gwnz faex doek roengzdaeuj naeng hix mbouj sieng saekdi, vunzbamz hix mbouj saenq! Vihliux mbouj hawj buzyah de yawjok gijmaz, gou umj makbug hwnjdaeuj boemz roengz gwnzdeih bae. Cigdaengz yahbuz daraiz gaem aen makbug yawj bae yawj dauq le saenq caen dwg daj gwnz faex doek roengzdaeuj lo, aen sim gou diuqbumbum cij bienq cingqciengz.

　　Lij miz baez ndeu, boux doengzdoih gou swngz ndaw ranz mbouj miz vunzhung, iu gou bae ranz de caeg cawj nohlab gwn, de daengx youq gwnz daiz yungh daengqeij caeuq daengqdaemq daeb baenz, song ga saenzdedded lumj duzroeg ngamq byoeng, fwngz gaem fagcax ngiengx gyaeuj heh gij nohlab venj youq gwnz cauq ranzdajcawj. Gou boux- bangfwngz neix youq baihlaj bang de rex aen daengqeij ngauzngednged, lau de gyod roengzdaeuj, fag cax raehrwd haenx yaek heh goenq aen hoz gou. De heh ndaej noh roengzdaeuj, gou raen giz deng heh gaiq nohlab venj youq haenx hausaksak, lwenqda dangqmaz. Gou naemj, danghnaeuz mbouj daz ndaem giz heh, bohmeh de yaepyet couh yawjraen lo, ndigah gou youq ndaw cauq ra gaiq danqndaem ndeu daz ndaem giz heh. Gou gvai lai lo……

　　Mwh gou lwnh gij goj seiz lij iq hawj yah gou dingq, yah gou riu naeuz: “Gvaiq mbouj ndaej daeglwg lumj mwngz baenzneix manz.” Gou fanj- buek naeuz: “Itbuen dwg lwgmbwk lumj boh, lwgsai lumj meh.” Yah gou naeuz: “Ndaek ‘ciengya’ yiz- conzyoz lawz youh luenh hoed lo……”

　　Sam

　　Gou bi 1968 seng, yaepda gaenq gvaq hajcib bi lo. Bi 2003 daengz bi 2005, gou deng nyaemhmingh guh boux daibyauj fazyinz Gvangjsih Duh’anh Mizlozdoz Yejswngh Buzdauzciuj Gunghswh, fucwz couzbwh hwnqguh gunghswh moq. Hix couh dwg song bi haenx, gou ca mbouj geijlai byaij doh sojmiz giz dieg swnghcanj laeujmakit ndawguek mizmingz, mbouj duenh hag gij gingniemh senhcin bouxwnq. Bi 2005, boux lauxbanj Gvangjdungh gvaqdaeuj ciepfwngz le, gou cienj guh cangzvu fucungjginghlij giem cungjgunghcwngzswh gunghswh. Bi 2006 gou aeundaej aen cizcwngh gauhgiz gunghcwngzswh sizbinj gyahgungh le, deng boux yencangj Gvangjsih Nungzgohyen Lij Yangzyui yawjhwnj, siengj diuh gou bae nungzgohyen, gou unqswnh doi bae lo.

　　Daj laebbaenz aen gunghswh laeujhenj bonj- faenh le, miz bi ndeu gou caeuq yah gou cungj bae daengz Sauhingh Vangzciuj Yozyen camgya donjyinbanh hagsib. Mwhhaenx daeglwg ngamq ndaej bi ndeu, daiq beixnangz dang lauxsae doxcaez bae, mwh dou hwnjdangz, beixnangz bang dou yawj daeglwg. Boux fuyencangj Vangzciuj Yozyen Sou Cenzhungz naeuz gou: “Vangzcungj, mwngz gaenq miz gij suijbingz son gyoengq hagseng dou lo, lij daeuj hag ha?” Gou naeuz: “Ciennieb mbouj doengz, naengzlig mbouj doengz ma!” Miz boux rox lai ndeu naeuz gvaq: “Boux mbouj maij hag ndeu, couhcinj ranz de miz baenz fanh baenz ik, ukgyaeuj de lij dwg ndoq dangqmaz.”

　　（4）

　　爱人见我无言以对，便得理不饶人：“你爸理论滔滔，实践哩梅孬。”“哩梅孬”是壮话，意思是“一点都没有”。我属猴，当猴偶尔被狗戏耍的时候，我说那是天经地义的，因为词典里只有“耍猴”，没有“耍狗”之说。

　　在黄酒公司，她分管生产、检验和财务，我分管技术、销售和接待。有一次，儿子问我爱人：“老爸怎么晚上都不回家吃饭？”爱人说：“他有应酬。”儿子问：“什么叫作应酬？”爱人想了一下后说：“应酬是本来不想去但又不得不去。”儿子似懂非懂地点点头。次日早上，我开车送儿子去学校。儿子出门后又折回床边，摇醒他妈妈说：“妈，我去应酬了。”我爱人听后哭笑不得……

　　为了培养儿子从小热爱劳动的良好习惯，并且让他明白只有付出才有收获的道理，我想出一个自认为比较合理的方法。我对爱人说：“让梓桐（儿子名）从五楼拎垃圾到公司大门口，我就奖励他五元钱。”我爱人不但完全同意而且还提醒儿子说：“为防止某人赖账，你要当天跟他结算。”儿子说：“妈，这个你放心。”令我意想不到的是儿子每天把垃圾分成三袋，分三次拿下楼，然后跟我索要十五元，如果哪一天没有垃圾他也会自己制造垃圾。后来我爱人建议买了一个电动吊篮，不到一个星期就把他的财路给断了。

　　当然，我小时候也是调皮捣蛋的。在读小学二年级时，有一天乌云密布狂风大作，我的一个小玩伴摘下自家的沙田柚，放到地上后神神秘秘地对我说：“笼楼裸八牙（壮话，意为等下我俩骗奶奶），你就说是大风把柚子刮下来的，我去拉我奶奶过来看。”当小玩伴屁颠屁颠地跑回房屋纠缠他奶奶的时候，我在思考，从树上掉下来的柚子连皮都不损伤，傻子也不会相信！为了让他奶奶看不出破绽，我把柚子狠狠地往地上摔。直到老奶奶睁着一双昏花的老眼拿着柚子左看右看确信是真的从树上掉下来后，我悬着的心才慢慢恢复正常。

　　还有一次，小玩伴趁着家里没有人的时候，邀我去他家偷煮腊肉吃。他站在用椅子加板凳做成的简易台面上，双腿打战得像刚出生的小鸟，手拿菜刀仰着脖子切着挂在厨房灶台上方的腊肉。我这个副手在下面帮他扶着摇摇欲坠的椅子，担心他摔下来，那把锋利的菜刀会割断我的脖子。当他把肉切下来后，我看到挂着的腊肉有个白色的切口非常耀眼。我想如果不把这切口涂黑会被他父母发现，于是我在火灶里找了一块黑炭把切口涂好，天衣无缝呀……

　　当我把小时候的故事讲给爱人听后，爱人笑着说：“怪不得儿子有你这种顽皮基因。”我反驳道：“一般女孩遗传父亲，男孩才遗传母亲。”爱人说：“哪个遗传学‘砖家’又胡说八道了……”

　　三

　　我出生于1968年，晃眼已年过半百了。2003年到2005年，我被任命为广西都安密洛陀野生葡萄酒公司的法人代表，负责筹建新公司。也就是那两年，我几乎走遍了国内所有的著名葡萄酒产区，不断地学习别人的先进经验。2005年，广东老板过来接手后，我转任公司常务副总经理兼总工程师。2006年我得到食品加工高级工程师职称后，广西农科院院长李杨瑞向我抛来橄榄枝，想把我调到农科院，被我婉言谢绝了。

　　自从成立自己的黄酒公司以后，有一年暑假我和爱人都到绍兴黄酒学院参加短训班学习。当时儿子才一岁，带上当老师的大嫂一同前往，我们上课的时候，大嫂负责看管我儿子。黄酒学院寿泉洪副院长对我说：“黄总，你已经达到给我们学生上课的水平了，还来学习？”我说：“术业有专攻嘛！”有个智者曾说过：“一个不爱学习的人，即使他家财万贯，他的大脑仍然是贫穷的。”

编辑：黄誉琦复审：黄慧华终审：蒙树起