Dangq Boux Dangq Hoiz - 广西民族报网

Dangq Boux Dangq Hoiz

来源：广西民族报

发布时间：2024-08-28

　　第九期

　　原文：当夜五更时候，船已近曹操水寨。孔明教把船只头西尾东，一带摆开，就船上擂鼓呐喊。鲁肃惊曰：“倘曹兵齐出，如之奈何?”孔明笑曰：“吾料曹操于重雾中必不敢出。吾等只顾酌酒取乐，待雾散便回。”

　　却说曹寨中，听得擂鼓呐喊，毛玠、于禁二人慌忙飞报曹操。操传令曰:“重雾迷江，彼军忽至，必有埋伏，切不可轻动。可拨水军弓弩手乱箭射之。”又差人往旱寨内唤张辽、徐晃各带弓弩军三千，火速到江边助射。比及号令到来，毛玠、于禁怕南军抢入水寨，已差弓弩手在寨前放箭；少顷，旱寨内弓弩手亦到，约一万余人，尽皆向江中放箭：箭如雨发。孔明教把船吊回，头东尾西，逼近水寨受箭，一面擂鼓呐喊。待至日高雾散，孔明令收船急回。二十只船两边束草上，排满箭枝。孔明令各船上军士齐声叫曰：“谢丞相箭！”比及曹军寨内报知曹操时，这里船轻水急，已放回二十余里，追之不及。曹操懊悔不已。

　　却说孔明回船谓鲁肃曰：“每船上箭约五六千矣。不费江东半分之力，已得十万余箭。明日即将来射曹军，却不甚便!”肃曰：“先生真神人也！何以知今日如此大雾?”孔明曰：“为将而不通天文，不识地利，不知奇门，不晓阴阳，不看阵图，不明兵势，是庸才也。亮于三日前已算定今日有大雾，因此敢任三日之限。公瑾教我十日完办，工匠料物，都不应手，将这一件风流罪过，明白要杀我。——我命系于天，公瑾焉能害我哉!”鲁肃拜服。

　　（节选自《三国演义》第四十六回，人民文学出版社，1979年）

译文：

　　Haemhhaenx daengz haj geng,

　　Ruz senq daengz Cauz yingz;

　　Youq henz suijcai dingz,

　　Cingq caj yaek ciq naq.

Gungjmingz son dawz ruz,

　　Baiz guh geu raezrangh;

　　Gyaeuj sae rieng doeng langh,

　　Vunz angq cuk gyong hemq.

　　Luj Suz doeksaet cam:

　　“Danghnaeuz bing Cauz Cauh,

　　Cungj okdaeuj gung raeuz,

　　Baenzlawz daeuq ndaej ne?”

　　Gungjmingz riu liux gangj:

　　“Gou liuh daengz Cauz Cauh,

　　Caengz mok mojlox hau,

　　De lau mbei saenzgyaeux.”

　　Lieng andingh bing sim,

　　Guenj gwn laeuj guh’angq;

　　Caj daengz fwjmok sanq,

　　Mbwn gvengq couh baema.

　　Dauq gangj bing Cauz Cauh,

　　Daeuj nyi cuk gyong hemq;

　　Lwnh Mauz Gai Yiz Gin,

　　Song vunz muengz buetlin.

　　Ganj bae lwnh Cauz Cauh,

　　Cauh raen dah mongmok:

　　Bing haenx sawqmwh ok,

　　Raeuz logbog gwnvi.

　　Cauh couh gaenj roengz lingh,

　　Bued suijginh canghgung;

　　Yungh naq ma luenh nyingz,

　　Hawj hingz ndaej seizgan.

　　Youh baij bae mbanjrengx，

　　Mbai Cangh Liuz Ciz Vang;

　　Gak daiq bing sam cien,

　　Bae biendah nyingz naq.

　　Mauz Gai dem Yiz Gin,

　　Lau namzbing gung cai;

　　Baij canghgungnaq bae,

　　Youq naj cai cuengq naq.

　　Yaepyex gyoengq hancai,

　　Fanh lai bing daengz dieg;

　　Gingz gung naq mbat yiet,

　　Naq died bae lumj fwn.

　　Gungjmingz raen neix faengz,

　　Naeuz bing duengq ruz dauq;

　　Cienq rieng sae doeng gyaeuj,

　　Bae gyawj cai souh naq.

　　Seizneix gya roq gyong,

　　Bing hemq rongx guh’angq;

　　Caj daengngoenz hwnj sang,

　　Mok sanq ruz baema.

　　Ngeihcib ruz mauhnyinz,

　　Baek rim liux naq geu;

　　Gwnz ruz bing caez heuh,

　　Sengsuh Cauz cwngzsieng.

　　Gyoengq bing de dingqnyi,

　　Buet bae lwnh Cauz Cauh;

　　Ruz riengz rumz raemx mbaeu,

　　Cauh ienqhoij raixcaix.

　　Dauq gangj Gungjmingz raeuz,

　　Ruz dauq daengz cungqgyang;

　　Lieng lwnh Luj Suz dingq,

　　Ruz hingz haj roek cien.

　　Ndaej gij naq neix daeuj,

　　Mbouj feiq sou faen rengz;

　　Geiqmaeuz naengz ndi mengx,

　　Gou couh deng raemj gyaeuj.

　　Cib lai fanh geu naq,

　　Cog ma hoenx Cauz ginh;

　　Ciq naq de daeuj nyingz,

　　Hingz ndaej fanhdaih riuz.

　　Luj Suz youh caiq haenh,

　　Sienseng caen vunzsaenz;

　　Baenzlawz rox ndaej caen,

　　Ngoenzneix miz fwjmok?

　　Gungjmingz riu han naeuz,

　　Guh ciengq aeu maeuz meiz（miz）;

　　Denhvwnz dem deihleih,

　　Leix gizmwnz aeu rox.

　　Mbouj rox gij yaemyiengz,

　　Mbouj doeng gij cinduz;

　　Mbouj mingz gij bingci,

　　Seih boux nyaqyuih mbw.

　　Lieng youq geij ngoenz gonq,

　　Couh suenq rox ngoenzneix;

　　Fwjmok bietdingh meiz（miz）,

　　Ndwi byawz gamj souh hanh.

　　Gunghginj hanh cib ngoenz,

　　Caux baenz cib fanh naq;

　　Cangh hong liuh gag ra,

　　Vunz maz guh ndaej daengz.

　　Gunghginj yaek haih gou,

　　Aeu funglouz ma hanh;

　　Mingh gou dwg mbwn lamh,

　　Veiznanz gou guhmaz?

　　Luj Suz dingq Lieng gangj,

　　Ngiengx gyaeuj yiuq gwnz mbwn;

　　Gumj gyaeuj yawj lajdeih,

　　Naih ngeix naih baiqfug.

　　（都安瑶族自治县：蓝国武/Lanz Gozvuj）

　　Mwh gyanghwnz haj geng, ruz gaenq gyawj aen mbanjraemx Cauz Cauh. Gungjmingz cijveih gyaeujruz yiengq baihsae, rieng coh baihdoeng, baij baenz baiz ndeu, yienzhaeuh youq gwnz ruz roq gyong hemq hwnjdaeuj. Luj Suz doeksaet yat, naeuz:“Dangh- naeuz gij bing Cauz Cauh caez okdaeuj, raeuz wnggai baenzlawz guh ne?” Gungjmingz riu naeuz:“Gou siengj Cauz Cauh youq ndaw mok- noengz haengjdingh mbouj gamj okdaeuj. Raeuz cijguenj gwn laeuj guh’angq, caj mok sanq le caiq baema.”

　　Youq ndaw Mbanjcauz, dingqnyi singgyong singheuh, Mauz Gai caeuq Yiz Gin muengz buet bae baugau Cauz Cauh. Cauz Cauh cienzlingh naeuz:“Gij mok gwd roenx dah, vunzdig sawqmwh daeuj daengz, bietdingh miz gaenzgaeq, ciengeiz mbouj ndaej moegloet luenh guh. Goj ndaej baij bingraemx caeuq gyoengq bingdwknaq luenh nyingz.” Doengzseiz baij vunz bae ndaw mbanj ciuheuh Cangh Liuz、Ciz Vang gak daiq sam cien bingdwknaq, vaiq bae henzdah dem bang. Caj minghlingh cienz daeuj daengz, Mauz Gai caeuq Yiz Gin yousim gyoengq bing baihnamz haeuj mbanj daeuj, yienghneix gaenq baij bingdwknaq roengz gung, youq dangqnaj mbanj cuengq naq; mbouj geij nanz, gyoengq bing ndaw Mbanjhawq hix ganj daengz, daihgaiq miz fanh lai vunz, cienzbouh coh ndaw dah nyingz naq, diuz naq lumj fwn fat. Gungjmingz mingling dawz ruz rag dauq, gyaeuj coh baihdoeng, rieng coh baihsae, dep henz dahraemx souh naq, doengzseiz laebdaeb roq gyong hemq. Deq daengngoenz swnghwnj, mok sanq lo, Gungjmingz mingling youh vaiq sou ruz baema. Ngeihcib aen ruz song mbiengj cungj cug miz rum, baiz rim naq liux. Gungjmingz hawj gij bing gwnz ruz cungj hemq docih cwngzsieng. Caj daengz gij bing Cauz Cauh caiq baugau Cauz Cauh seiz, aen ruz mbaeu gaenq seizbienh hai dauq ngeihcib lai leix, gyaep mbouj gib. Cauz Cauh gig ienqhoij.

　　Gungjmingz ma daengz gwnz ruz doiq Luj Suz naeuz:“Moix aen ruz daihgaiq miz haj roek cien diuz naq. Mbouj feiq saek di rengz, raeuz gaenq ndaej le cib fanh lai diuz naq. Ngoenzcog couh ndaej yungh daeuj nyingz Cauz ginh, lai fuengbienh ha!” Luj Suz naeuz:“Sienseng dwg saenz- sien ha! Baenzlawz rox ngoenzneix yaek miz gij mok baenzneix ne?”Gungjmingz naeuz:“Boux ciengqlingj ndeu danghnaeuz mbouj rox gij deihleih diegyouq, mbouj rox gij geizmonz, mbouj rox gij yaemyiengz haj hengz, mbouj rox gij seiqlig hoenxciengq, yienghhaenx couh mbouj dwg boux bonjsaeh ak ndeu. Gou youq sam ngoenz gonq couh suenq cinj lo, ngoenzneix miz mok hung, ndigah cij gamj dingh aen giva sam ngoenz. Gunghginj hawj gou cib ngoenz ndawde guhbaenz yinvu, hoeng gij saeh bouxcangh lumj duzbaed, cungj mbouj ciuq gij sim’eiq gou daeuj guh, neix couhdwg gij coih hung gvaq mbwn, gig cingcuj dwg yaek haih gou. ——Diuz mingh gou mehmbwn gaemdawz, Couh Yiz youh baenzlawz ndaej haih gou ne?” Luj Suz gig baiqfug.

　　（西林县：黄志伟/Vangz Civeij）

编辑：黄誉琦复审：黄慧华终审：蒙树起