Ranz Dou - 广西民族报网

Ranz Dou

来源：广西民族报

作者：□ Vangz Hungzvei raiz Cwz Fanghdingz hoiz

发布时间：2024-08-28

　　Moix baez Veiz Gozyoz sienseng heuh daxboh gou guh “baujvei gohcangj”, de couh cingsaenz gvaekgvaek、naj hai naj rongh, lai ndoet song cenj cingqciengz dangqmaz. Gizsaed lajfwngz daxboh gou boux “baujvei gohcangj” neix dan miz boux “gohyenz” ndeu, couhdwg daxmeh gou. Bi 2007, gou hainduj hwnq aen cangj guh laeujhenj, daxboh gou couh gvaqdaeuj bang gou hen gij caizliuh hwnq cangj, daxmeh gvaqdaeuj cawj haeux, doeklaeng song boux de couh gig noix dauq mbanjranz Cwngyenz lo, itcig daengz aen ranzgaeuq mbanjranz doi bae dauq hwnq.

　　Baez ndeu gwn laeuj le, miz vunz cam daxboh gou: “Vunz naeuz mbaw loenq haeuj goek, mwngz vihmaz mbouj maij dauqma mbanjranz?” Daxboh siengj hix mbouj siengj naeuz: “Gou youq mbanjranz mbouj miz baengzyoux!” Boux vunz haenx doeksaet naeuz:“Baenzlai vunz gingqcungh mwngz, baenzlawz mbouj miz baengzyoux ne?” Daxboh betcib gouj bi miz di siengsim naeuz: “Baengzyoux gou boux dem boux mbouj miz lo……” Miz bi ndeu, lauxdoengz de gvaqseiq, de youq gwnz ceijien cau roengz hot sei hawj gou gamjdoengh ndeu: “Haemhcin fwn cax cax lumj hoenz, rox mwngz dai bae raemxda roengz. Biengzvunz mbouj giz raeuz caez youq, baezlaeng raeuz dan fangzhwnz riu.”

　　Bohmeh gou ndangdaej itcig cungj gig ndei, neix dwg aenvih song boux de bingzseiz gaenx guhhong. Dingj aen laeuz cunghhoz gunghswh gou miz roek cingz lai aeu daeuj ndaem byaek, byaek mak ndaem okdaeuj daihdaej doh dou gwn yungh. Moix baez gou ma daengz caengz daihsam aen bangunghlaeuz gunghswh yawj mbouj raen gyoengqde, gou couh guj ok gyoengqde cibcukcib youq reihbyaek dingj laeuz. Daxboh gou ciengzseiz naeuz: “Danghnaeuz mbouj dwg yienghneix, gou couh heh dujrwz bae!” Miz baez ndeu, meh gou naeuz yah gou: “Nohmou ndaw binghsiengh gwn liux lo.” Caengz caj yah gou han, gou couh ciengj gonq naeuz: “Ceuj dujrwz gwn ba!” Daxboh dingq le rox gou gae de, sikhaek youq ndaw veiswnghgenh cang ae geij sing suenq dwg haep gou.

　　Geij bi gonq, daxboh baenz binghbwt, mbouj ndaej mbouj gaiq gij yinxdaeuz gwn ien geijcib bi bae. Daxboh daj yihyen dauqma ranz, dah lwglan youq yienhyihyen guh husw vihliux hawj de caeuheiq engq swnh, cawx hawj de aen gihgi sup yangjgi moq ndeu. Daxmeh gou bonjlaiz dan dwg miz di dwgliengz, raen daxboh gou yungh aen gihgi sup yangjgi, hix hauz aeu yungh, daegnuengx gou mbouj miz banhfap couh bae ciq daeuj hawj de aen ndeu. Gou okcai dauqma le, gig doeksaet naeuz daxmeh gou: “Mwngz rox aen gihgi sup yangjgi neix miz geijlai vunzdai sup gvaq ma?” Daxmeh dingq le lau dwk gipmuengz cij diuz guenj ok, coi daegnuengx gou gaenjgip aeu bae boiz dauq. Lau dwk ok ndang hanhheu ndeu le, ndangdaej daxmeh gingqyienz ndei dauq lo. Neix hawj gou ngeix hwnj gij cijbyauh vuenyungz moq gwnz vangj mboengqneix cienznaeuz: “Ndaw ranz mbouj miz vunzbingh, baihrog mbouj miz bouxcaeuz, henz ndang mbouj miz vunzvaih.” Gou nyinhnaeuz lij wnggai gya hwnj “henz ndang miz vunzlaux”, dauqdaej “ranz miz vunzlaux lumj miz caizbauj” ma.

　　Veiz Gozyoz sienseng gwn laeuj le damq cam daxboh gou gvaq: “Hungzvei fat cienzhong hawj mwngz boux baujvei gohcangj neix ma?” Daxboh gou gangjvah ndupndw, vah mbouj doiq daez: “Gou dwg yigungh, mbouj dwg linzsizgungh!” Gou riu naeuz Veiz Gozyoz sienseng: “De aeu gij cienz gai gij diet vaih siengceij vaih gunghswh ndaej haenx dang cienzhong lo……” Dangyienz, daxboh rox baen sam cingz lai hawj “gohyenz” de.

　　Mbangjseiz gou caen raen geizgvaiq: Bohmeh gwn daenj youq caeuq cienzyw cungj mbouj yungh you, vihmaz lij doiq cienz baenzneix mizyinx ne? Mwh gou yawjraen bohmeh gou biq di myaiz haeuj lwgfwngz bae geq gij cienzlingz gai gij huq gaeuq huq vaih ndaej haenx naj riu naj hai, gou siengj neix wnggai dwg seiz gyoengqde ceiq simhai ceiq vuenyungz, hix hawj gou siengj hwnj coenz vah Nizgujlah Dwswhlah gangj ndeu: “Cienz dwg gij goekgaen sojmiz haemzhoj, hoeng hix dwg diuz loh dandog siucawz gij haemzhoj neix.” Doeklaeng gou cij rox, gij cienz bohmeh rom roengzdaeuj neix, dingzlai cungj baen hawj gyoengq lwglan gyoengqde lo……

　　Ngeih

　　Yah gou Vangz Beihungz, bi 1970 seng, bi duzma. Vangz Beihungz daj Duh’anh Minzcuz Cunghyoz Cuhcunghbu bizyez le, camgya gij gaujsi ciugoeng Duh’anh Yauzcuz Swciyen Yinzswgiz, cingzcik ndei baiz youq daengx yienh daihngeih mingz, deng Duh’anh Cauxceijcangj Vaqniemhsiz loegyungh. Bi 1992 caeuq gou gezvwnh gvaqlaeng cij diuh bae Duh’anh Buzdauzciujcangj Vaq- niemhsiz dang bouxvaqniemh, dang gvaq gungh- doncangj caeuq buzdauzciuj cehgenh cujyin. Ndaej baenzneix gangj, haujlai gingniemh guenjleix de cungj dwg seizhaenx cwkrom roengzdaeuj. Doek- laeng de camgya hanzsou hagsib aeundaej yozliz cunghconh gvaigi ciennieb, vih de seizneix faen- guenj caizvu gunghswh caux roengz giekdaej.

　　Vunz ciengzseiz naeuz “vunz bouxsai baenz- goeng ndeu raeblaeng cungj miz vunz mehmbwk maenhndei ndeu”, hoeng doiq gou daeuj gangj dauqfanj doxbyonj. Mboujguenj dwg gij gezcwz youqgaenj gunghswh lij dwg saeh hung saeh iq ndaw ranz, yah gou Vangz Beihungz daj goek daengz byai cungj dwg ndwn youq baihnaj gou cix mbouj dwg raeblaeng.

　　（2）

　　韦国学先生每每称我父亲为“保卫科长”后，他会精神焕发、心花怒放，多喝两杯便成为常态。其实父亲这个“保卫科长”的手下只有一个科员，就是我的母亲。2007年，我开始建造黄酒厂，我父亲就过来帮我看管建设材料，母亲过来煮饭，后来他俩就很少回正玄老家了，直到我把老家的旧房推倒重建。

　　一次酒后，有人问我父亲：“人说叶落归根，您老人家为什么不爱回老家？”父亲不假思索地说：“我没有朋友！”那人惊讶道：“您这么好的人缘怎可能没有朋友？”八十九岁的父亲略显伤感地说：“我的朋友先后一个接一个走了……”有一年，他的老同（结拜兄弟）过世后，他在烟纸上抄了一首让我为之动容的诗：“春夜疏疏雨若烟，闻君西去泪涟涟。人间再勿相存处，从此欢言在梦间。”

　　我父母身体一贯很好，这得益于他俩的辛勤劳作。我公司综合楼楼顶上有三分之二面积拿来做菜地，我们吃的瓜果蔬菜基本上自给自足。每当我回到公司办公楼三楼见不到两老时，我就猜他俩百分之百在楼顶的菜地。我父亲有句口头禅：“如果不是这样的，我割掉耳朵！”有一次，我母亲对我爱人说：“冰箱里的猪肉吃完了。”没等我爱人回应，我抢先说道：“炒耳朵吃吧！”父亲听到后知道我将他的军，立马在卫生间里干咳几声算是对我的回怼。

　　前几年，父亲得了肺炎，不得不把几十年的烟瘾戒掉。父亲出院后，在县医院当护士的外甥女为了让他呼吸更顺畅，给他买了一台新的吸氧机。我母亲本来只患一点小感冒，见我父亲用吸氧机，也闹着要用，我弟没办法就给她借来了一台吸氧机。我出差回来后，一脸惊讶地对我母亲说：“你知道这台吸氧机有多少死人吸过吗？”我母亲听后立即拔掉管子，催促我弟赶紧把机子拿走。惊出一身冷汗后，母亲的感冒居然痊愈了，于是我想起近段网上流传的新的幸福指标：“家里无病人，外头无仇人，圈里无小人。”我认为还应该加上一个“身边有老人”，毕竟“家有一老如有一宝”嘛。

　　韦国学先生酒后曾试探性地问我父亲：“宏慧给你这个保卫科长发工资吗？”我父亲吞吞吐吐顾左右而言他：“我是义工，不是临时工！”我笑着对韦国学先生说：“他把变卖公司废铜烂铁及废旧纸箱所得的营业外收入当作工资了……”当然，父亲会将所得收入的三分之一分给他的“科员”——我的母亲。

　　我有时真的有点纳闷：父母在吃住穿及医疗费用都不用发愁的情况下为什么也对钱那么感兴趣呢？当我见到我的父母手沾唾沫点着变卖废旧所得的毛票而一脸灿烂时，我想这应该是他们最开心最幸福的时刻，同时也让我想起尼古拉·特斯拉说的一句话：“钱是一切痛苦的根源，但也是消除这些痛苦的唯一途径。”后来我才知道：父母积攒的这些钱，大部分都分给了他们的孙辈们……

　　二

　　我爱人王佩红，出生于1970年，属狗。王佩红在都安民族中学初中部毕业后，参加都安瑶族自治县人事局招工考试，以全县第二名的优异成绩被都安造纸厂化验室录用。1992年与我结婚后才调到都安葡萄酒厂化验室担任化验员，其间，当过工段长及葡萄酒车间主任。可以这么说，她的很多管理经验是那时候积累下来的。后来，她参加函授学习获得会计专业的中专学历，也为她如今分管公司财务创造了条件。

　　人常说“一个成功男人背后都有一个优秀的女人”，而对我来说刚好相反。不管是公司的重要决策还是家里的大小事务，我的女人王佩红始终是站在我的前面而不是背后。

编辑：黄誉琦复审：黄慧华终审：蒙树起