Ranz Dou - 广西民族报网

Ranz Dou

来源：广西民族报

作者：□ Vangz Hungzvei raiz Cwz Fanghdingz hoiz

发布时间：2024-08-14

　　Daxboh gou bi 1936 seng, de sang mij caet, naj seiqfueng, rwz hung, yawj hwnjbae sienhsoh dangqmaz. Daxmeh gou sang mij haj, yienznaeuz ndang iqet daemqdet, hoeng gwn ndaej haemz naih ndaej hoj. Nienzgeij daxmeh saedsaeh hung gvaq daxboh sam ndwen, hoeng youq gwnz sinhfwncwng cix iq gvaq daxboh sam bi. Mwh daxboh gou ndaej betcib bi, cwngfuj hainduj fat cienzboujdiep vunzlaux hawj de, daxmeh cix aenvih nienzgeij caengz daengz mbouj ndaej lingx, daxmeh rox le hozgaek lai. Daxboh riunyumj naeuz de: “Bouxlawz hawj mwngz mwhhaenx yaeuh bauq nienzlingz!” Daxmeh fanj gae naeuz: “Cungj dwg aenvih mwngz mwhhaenx maij boux nienzoiq!” Daxboh naeuz: “Nienzoiq couhdwg swhbwnj!” Daxmeh dingq le ngoemxngwd.

　　Daxboh gou guh gvaq lauxsae daigo minzbanh, maengxmaij yawjdoeg. Seizhaenx de rom roengz- daeuj haujlai saw, lumjbaenz《Sam Yaz Haj Yi》《Sam Guek Yenjyi》《Geiq Sihsiengh》 doenghgij saw neix, ceiq lai dwg gij sawcuenh vujyaz Ginhyungz caeuq Liengz Yijswngh. Mwh doeg cuhcungh gou couh ciengzseiz caeg yawj gij sawcuenh de. Geiq ndaej miz baez ndeu caeg yawj sawcuenh, daxboh sawqmwh daengx youq doiqnaj gou, gou gipmuengz aeu cek gobwnj vayoz goemq dwk. Daxboh gangj le coenz vah hawj gou seizneix lij geiq ndaej gig cingcuj ndeu: “Gag lox swhgeij, loengx mwngz goj vaih.” Eiqsei dwg ciengxlwenx gaej cang bonjfaenh roengzrengz raixcaix, aenvih gezgoj mbouj rox buenx mwngz caez yienjheiq.

　　Daxboh gou dwg ngeihcib sigij betcib nienzdaih cogeiz buek “bouxdaeuz bau hong” ceiq daeuz, daiq nungzminzgungh bae coih goengloh hwnq raengz- romraemx……Daengz bi 1982 de gaenq rom ndaej haj fanh maenz ngaenz lo, dwg “ranz miz fanh maenz ngaenz doxhwnj” gyae gyawj mizmingz. Miz baez ndeu, de bae Gauhlingj Sinyungse lingx cienz daeuj fat cienzhong hawj nungzminzgungh, daeuj ranz le raen lai song cien maenz ngaenz, doq gag aeu cienz bae doiq. Boux lingjdauj sinyungse caeuq bouxdangsaeh cungj gamjdoengh dangqmaz, haemh haenx couh daiq huqlaex daeuj ranz gou gyo’mbaiq daxboh. Daxboh seizhaenx, daihfueng raixcaix, daihcaeq caengz hawj gij beixnuengx baengzyoux daeuj ciq cienz haenx saetmuengh gvaq, ndigah bouxboux cungj haenh de, hix maij caeuq de baedauq, gij vunz roxnaj de cungj gingqcungh de. Yungh vah daxboh daeuj gangj dwg guh vunz mbouj ndaej miz cienz le couh sim doeg dam gwn lwed vunz.

　　Doengh bi haenx, ranz gou ca mbouj geijlai moix bi cungj gaj song duz mou youh hung youh biz, soengq hawj moix ranz beixnuengx gaiq noh gaen lai song gaen ndeu guh huqlaex le, gij lw roengzdaeuj cungj lab hwnj liux. Miz bi ndeu, bohmeh lumz mbouj aeu noh bae soengq hawj ranz beixnuengx ndeu, ranz beixnuengx haenx gingqyienz miz song bi mbouj caeuq ranz dou dox baedauq. Vunz ranz beixnuengx haenx dwg baenzneix gangj: “Mbouj dwg gaen lai noh miz geijlai dij, dwg ndaw sim mwngz gaenbonj mbouj miz gou!” Bi daihsam, ranz gou gaj mou le, bohmeh hawj gou soengq bongq bae hawj ranz beixnuengx haenx, aiq dwg aenvih gienh saeh lumz soengq noh haenx, gij bongq daxmeh hawj gou soengq bae hawj ranz beixnuengx haenx raez dangqmaz. Gou raen le roxnyinh doiq gij beixnuengx wnq mbouj goengbingz, couh heuh geij boux doengzdoih caez bae soengq haenx moix vunz haeb gaemz hung ndeu, doeklaeng lau beixnuengx yawjraen riz haeb, gou yungh fag mid heh bae geij mbaenq, cigdaengz diuz bongq caeuq gij soengq hawj gij beixnuengx wnq haenx raez doxlumj.

　　Bi 1987, daxboh bae Gveibingz bau guh diuz giuz ndeu, loemq bae sam fanh caet cien maenz ngaenz gvaqlaeng, yienzheiq daih sieng, daj neix couh doiqok “gauj maxcwx fuyez” aen gyanghhuz neix. Vunz ciuhgeq gangj, “loh gvi loh, giuz gvi giuz”, daxboh bingzseiz dwg bae coih loh, gvaqlaeng cix hamj hangz bae hwnq giuz, caen dwg “gek hangz lumj gek bya”. Caenhguenj yienghneix, daxboh lij dwg simvuen dangqmaz, “bi haenx doiqhoz lumj gorum, ngoenzngoenz rumzcin umj”. Ciengzseiz dauqngeix gij ndwenngoenz hawj vunz ndaenggon doenghbaez, bienqbaenz gij yw’ndei ywlingz de fuengzre geq le bienq ngoegngwd, gij yinxyw couhdwg laeujhenj Hungzvei.

　　Daxboh gou seizneix lij dwg moix donq ndoet sam gyangz laeujhenj, mbangj seiz de yiemz laeujhenj cit lai, couh caegcaeg aeu laeujhau get cung roengz laeujhenj bae. Danghnaeuz deng gou raen, de lij rox damhdingh soengyungz naeuz gou: “Mwh gou lij oiq youq Vanzgyangh Mauznanzcuz Swciyen caengzging donq ndeu gwn ndaej haj gaen laeujhaeux gvaq!” Gou gangjriu naeuz: “Vunzak mbouj dwen doenghbaez ak, haj gaen laeujhaeux haenx dwg caeuq ganglaeuj doxcaez caengh ba?” Yah gou dingq le doq ienq gou naeuz: “Hawj daxboh gangjboq baez ndeu mwngz yaek dai ha?” Raen gou ngoemxngwd, yah gou engq roxnyinh bonjfaenh miz dauhleix lo, laebdaeb ienq gou naeuz: “Duz gaeqiem baez gonq daegnuengx mwngz soengq daeuj haenx, de naeuz miz roek gaen lai, mwngz dauq naeuz caeuq rongzdiet doxcaez caengh haengjdingh miz. Youh mbouj hawj mwngz ok cienz, suenq gaen suenq liengx baenzlai guh maz?” Gou riumbwng naeuz:“Neix mbouj dwg baez song baez lo, dangh- naeuz gangjboq yaek gyau suiq, lauheiq de youh yaek bienq ndoq lo……”

　　Gou boiq yauzgung hai douhung gunghswh laeujhenj hawj bohmeh gou boux aen, it dwg fuengbienh gyoengqde haeujok, ngeih dwg fueng- bienh bang gij vunz daeuj gunghswh dik giuz haenx hai dou.（1）

　　一

　　我父亲出生于1936年，身高一米七〇，方面大耳，一脸慈祥。母亲身高一米五〇，虽然身材矮小，但却很能吃苦耐劳。母亲实际年龄比我父亲大三个月，而她的身份证年龄却比我父亲小三岁。我父亲到了八十岁时，得到了政府的老人补贴，而母亲却因为年龄未到不能领取，母亲知道后非常生气。父亲笑着对她说：“这是谎报年龄的结果。”母亲反唇相讥：“都是因为你当年喜欢年轻的！”父亲说：“年轻就是资本！”我母亲无言以对。

　　我父亲当过民办代课教师，很喜欢阅读。当年他存了很多书，什么《三侠五义》《三国演义》《西厢记》呀，当然最多的还是金庸与梁羽生的武侠小说。读初中的我就经常偷他的小说来看。记得有一次偷看小说的时候，父亲突然出现在眼前，我急忙将一本化学课本盖在上面。父亲说了一句话至今仍然让我记忆犹新：“刚裸虽给，笼蒙锅怀。”Gag lox swhgeij这是壮话，翻译过来大概意思是：“永远不要假装自己很努力，因为结果不会陪你一起演戏！”

　　我父亲是上个世纪八十年代初最早的一批“包工头”，带农民工出去修公路建水库……1982年他已经拥有五万元人民币了，是远近闻名的“万元户”。有一次，他到高岭信用社取钱来发农民工工资，回来后才发现多了两千块钱，立马亲自拿钱去退还。信用社领导以及当事人都非常感动，当晚就带着礼物上我家道谢。那时候的父亲，非常慷慨大方，基本上没有让来借钱的亲戚朋友失望过，所以他口碑很好、人缘极佳，并得到所有认识他的人的尊重。用父亲的话说做人不能“为富不仁”。

　　那些年，我家几乎每年都杀两头大肥猪，除了给每家亲戚送一块一斤多的肉做礼物，剩余的全部拿来做腊肉。有一年，父母忘记给一家亲戚送肉，那家亲戚竟有两年没跟我家来往。用那家亲戚的话说：“不是你一斤多猪肉有多贵重，而是你心中根本没有我！”第三年，我家杀猪后，父母派我送“龙棒”（一种用猪血、油渣及玉米粉混好后灌到猪肠子里煮熟后的特色小吃）去给那家亲戚，可能是为了弥补前一年的失误，母亲给这家亲戚的“龙棒”特别长。从小就爱打抱不平的我便叫随行的几个玩伴每人狠狠地咬了一大口，后来为了防止见到牙印，我用小刀把那一大段又切割了几次，直到总长度与别家亲戚一样。

　　父亲于1987年去桂平承包建造了一座桥梁，亏损了三万七千元后，元气大伤，从此便退出“搞野马副业”这个江湖。古人有一句话讲“路归路，桥归桥”，常年修路的父亲却跨行去建造桥梁，也应验了一句俗语“隔行如隔山”，尽管如此，父亲还是非常乐观，“当年得意如芳草。日日春风好”。经常回忆他曾经的辉煌岁月成为他预防老年痴呆症的灵丹妙药，而药引子就是宏慧黄酒。

　　我父亲如今还一餐喝三两黄酒，有时他嫌黄酒度数太低，便偷偷地往黄酒里面兑入高度白酒。如果被我发现，他会淡定从容地对我说：“我年轻的时候在环江毛南族自治县曾经一餐一个人喝过五斤米酒！”我打趣道：“好汉不提当年勇，你那五斤米酒是连酒缸一起称的吧？”我爱人听到后立马怼我说：“让老爸吹一回牛死得你吗？”见我不吭声，爱人便得寸进尺，继续怼我，“上次你弟送的那只阉鸡，他说有六斤多，你却说连铁笼一起称肯定有。又不让你掏钱，何必跟他斤斤计较。”我苦笑道：“这不是一次两次的问题了，如果吹牛要上税，估计他又得返贫了……”

　　我配黄酒公司大门的遥控器各一个给我父母，一是方便他们出入，二是给来公司踢球的球员开门。

编辑：黄誉琦复审：黄慧华终审：蒙树起