来源：广西民族报网
发布时间：2026-09-04
Gij mehmbwk Bouxcuengh youq ranghdieg baihnamz Sihlinz Yen Dah- nanzbanzgyangh, moix boux meh- mbwk gij gaetbuh baihgvaz ciengzseiz venj miz aen mbok faex iq ndeu, moix baez hwnj bya guhhong yietnaiq seiz, daihgya cungj comz youq laj goek gofaex roxnaeuz youq ndaw bungz yietnaiq, couh daj ndaw mbok yut cim okdaeuj, doq gangjgoj doq guh hong dajnyib.
Aen mbokcimmae neix itbuen yungh go ndokgim iq daeuj guh baenz, bak gvangq 1.5 lizmij, raez 6 lizmij baedauq. Boux guh de (dingzlai dwg bouxcoz bouxsai) yawj faex daeuj guh aen mbokcimmae, youq gwnz aen mbokcimmae deu va、deu roeg roxnaeuz lungz fungh, gij dozanq duzduz lumj caen nei. Linghvaih, boux guh aen mbokcimmae lij guh aen fa ndeu, youq aen fa song mbiengj con congh guh rwz, ndaej con mae raek cag. Gij mbok neix guh baenz yawjraen gyaetlili、 mbauqlulu, yungh ndaej gig fuengbienh. De dwg cungj doxgaiq yisuz deugaek ndawbiengz Bouxcuengh.
Aen mbokcimmae iq neix, lij dwg gij doenghyiengh bouxmbauq Boux- cuengh yiengq lwgsau cienz gij gyaez, dang sai mbwk bouxcoz doxgyaez seiz, bouxsai yunghsim bae guh aen mbokcimmae ndeu, youq ndaw mbok cang haujlai fag cim soengq hawj lwgsau, byaujsi aen sim swhgeij lumj “gim” nei (Sihlinz Vahcuengh “cim” heuh guh “gim”), mehmbwk danghnaeuz gyaez- maij bouxsai lo, couh raek aen mbokcimmae neix daengz geq daengz dai.
编辑：实习生 廖小凤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com