来源：广西民族报网
发布时间：2026-08-18
Eu hot fwen hawj cungqvunz dingq,
Cungguek cingq hwngvuengh fouqgiengz,
Gungcanjdangj dazyinx ndaej deng,
Daengx guek yinzminz riengz dangj byaij.
Gou gyaez dangj lumj ndiep bouxmeh,
Daxmeh baez seng ok ndang gou,
Nditraeuj dangj couh ciuqrongh gou,
Yinx gou byaij hwnj diuz roen gvangq.
Dangj dawz gyoengqraeuz bwnq ciengx hung,
Hungzduz swva de bang veh,
De son raeuz doegsaw daengz geq,
Cij deq lwg hung ndaej gwn rengz.
Dangj raeuz vunz gvai yawj ndaej sang,
Faen reihnaz daengz ranz daengz hoh,
Byawz siengj duetgungz ndaej gwn noh,
Gaenx guh lohloh cungj guh daengz.
Gungcanjdangj yinghmingz dazyinx,
Hawj daengx guek yinzminz duetgungz,
Biengzbingz ginghci caemh fanzyungz,
Gungzhoj seizdaih baenz lizsij.
Vunzmbanj miz ngaenz youq ranz moq,
Hohhoh ndaemciengx ndaej demsou,
Gwn daenj caiq hix mbouj yungh you,
Ok dou bouxboux naj riu rongh.
Bouxgeq baenz bingh caemh mbouj you,
Ngaenzyw youz yihbauj bang rap;
Lwggungz hix ndaej doeg daihhag,
Hagfeiq miz cwngfuj bang hai.
Gungcanjdangj ngeix laeg ngeix gyae,
Gou gyaez dangj eu fwen danqhaenh,
Seizneix ndaej gwn ndei miz daenj,
Lwgnyez caemh haengj haenq doegsaw.
Miz vwnzva cijndaej hwng guek,
Gyoengq vunzlai cungj buekmingh hag,
Guekcoj aeu fouqmiz maenh’ak,
Gak cuz yinzminz caez fwndou.
Vunz naeuz ga dawh nanz dingj mbwn,
Boux vunz dog nanz guh baenz saeh,
Raeuz caez haenqrengz guh daengzdaej,
Cungguek haengjdingh ndaej dauqhwng.
Gungcanjdangj lumj aen daengngoenz,
Rongh roen baihnaj yinx raeuz byaij,
Roen fouqgiengz miz dangj daeuj daiq,
Lwgminz daihdaih miz ngoenz ndei.
Gwn haeux imq mbouj ndaej lumz dieg,
Gwn biek mboeng mbouj ndaej lumz mungz,
Dangj son’gyauq gungganq raeuz hung,
Gwndaenj vuenyungz gaej lumz dangj.
编辑：实习生 石喜丹 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com