Cibbi Boekbienq - 广西民族报网

Cibbi Boekbienq

来源：广西民族报

作者：□ Vangz Yaz raiz Lij Bingjginz hoiz

发布时间：2024-08-02

　　Dou sam boux mwngz ruz gou daemx，ngauq vunz bizbwd naekgywg badndwt badndat baenzneix， daiq boux daeuj fuz cungj gvanhbuengq laemx- sansan. Geij boux vunz couh baenzneix menh rag menh nod，cug yamq cug yamq，rag haeuj le doiqmienh fungh doucaet bok loenq gvanh liux haenx.

　　Hwnzhaenx，cungj mij saek boux ndaej baenz ninz.

　　Youq laeng Dahyinh gou gig noix raen naj boh de，dauq dwg youq ndaw hag ndaej ciengzseiz raen de. Baeznaengz ndaw mbanj miz hoengzsaeh begsaeh banh laeuj，gyoengqvunz cungj haengj haeuj daengz aen cauhcangz ndaw hag bae nda daiz，ndaw mbanj mbouj miz saek mwnq ndaej beij neix ndei nda. Boh Dahyinh miz bouh dinfwngz dajcawj ndeu，vunz ndaw mbanj hoengzsaeh begsaeh cungj haengj heuh de daeuj bang. Gij gugu rekrek dajcawj yungh haenx riengz faq ciengzgvaengh ndaw hag ndabaij gvaqbae，boh Dahyinh youq henz daizheng gag nyaengq gij hong de，loengh nohsej、gaeq- dumq、 naengj bya、caq baizgoet……Yiengh- yiengh byaek dajiep、roengz liuh ca mbouj geijlai cungj youz de caen fwngz loengh. Byaek baenz deb baenz deb hwnj daiz lo，ndaw cauhcangz naengh rimfwdfwd，caezgya mwngz ndumq gou ndumq nauhyied dangqmaz，gwn daengz banhaemh baenz- baenz cungj miz geij ngauq laeujnengz louz youq doeklaeng，boh Dahyinh couh dwg boux ndeu. Sojlaiz gyoengq ndaw mbanj cungj naeuz，boh Dahyinh dangh mbouj lanh laeuj，dan baengh de gaiq dinfwngz neix，saedceij seizbienh lauzlauz lublub.

　　Gou coengzlaiz mbouj caengz raen gvaq meh Dahyinh，dan muemjgyuemq dingqnyi meh gou dwen gvaq，naeuz dwg boh de lanhlaeuj，baez laeujfiz ma ranz couh moeb meh Dahyinh，meh Dahyinh gvaq mbouj roengzbae，couh angqnaengz gaen vunz deuz lo，mwhde Dahyinh ngamq song sam bi baenzneix……Meh gou baez dwen daengz gijneix，cungj hamxhawz dwk buenq gangj buenq mbouj，gij ndaekndaw vunzhung，aiq dwg mbouj daih haengj hawj dou rox lai.

　　Boh Dahyinh mbangjbaez caemh youq baihrog cimh hong guh，lumjbaenz laenzgaenh doengh aen yanghcin haenx，hix daengz laenzgaenh doengh aen yienhsingz haenx guh gvaq. Mbangjbaez geij ndwen cij ma mbat ranz ndeu，hoeng gwnz ndang fouz miz saek faen ngaenz dauq ranz. Daxbuz naeuz，gij cienz de cungj sai haeuj laeuj bae liux lo. Baenzlai bi daeuj， boh Dahyinh mbouj rox caeuq vunz caep cien hwnq ranz geijlai gan gvaq，hoeng aen ranz bonjfaenh dauq mij caep gvaq saek gonj.

　　Sam

　　Dahyinh gauhcungh sam nienzgaep caengz doeg sat dem，couh gaen boux sai ndeu deuz okrog bae lo，bae daengz gizlawz，mij saek boux rox. Gizsaed baez rox Dahyinh gaen vunz deuz，gou mbouj doeksaet saek di. Cungj saedceij haemh- haemh dungxmbouq doeksaet ninz mbouj baenz ninz gag daej gag dingz neix mbouj rox yaek daengz seizlawz sat，gou hix yawj dwk cingcuj dangqmaz. Gojndaej baenzneix naeuz，Dahyinh sau cibbet，cingq bek fwed yaek mbin，seizheiq dij dangq gim，vaiq hwnj din baenaj.

　　Gij saeh neix vunz ndaw mbanj hix lwnh le cix sat，ciemhciemh lumz bae lo，gou nanq ceiq simnden Dahyinh，aiq caenh daxbuz lo. Gij saedceij ndaw mbanj ciuqyiengh ngoenz gvaq ngoenz，hoeng gou hix noix gvaq baihdah bae lo，gauhcungh sam bi doegsaw dwgrengz lai，caiq gya Dahyinh hix mbouj youq baihde le. Mbangj vunz mbangj saeh，saepsaep soiqsoiq youzcaih de gvaq lo，mbangjbaez roxnyinh gvaq ndaej gyaeraez raixcaix，mbangjbaez cix roxnyinh gvaq ndaej dinjdetdet. Mbouj geij nanz，gou gauj hwnj dayoz bae baihrog doegsaw lo，gij saeh Vaengzlaj hix ciemhciemh rox ndaej noix lo.

　　Bi ndeu seizhah，Lingzyinz lienzdaemh geij ngoenz geij hwnz doek le ciengz fwn hung caengz raen gvaq ndeu，raemxrongz maenjhumhum rin doek bya lak，daj gyae yawj，caenh lumj ngozbya dek ceg le ndaek geh ndeu. Cwngfuj cingj gyoengq lauxcangh daeuj damqyawj，naeuz goengq bya lij miz gij caihaih yungyiemj，lij aiq gyodbo，aeu daengx mbanj buen deuz. Vaengzlaj couh baenzneix vaiq- vaiq senj gvaq baihdah，caeuq Mbanjvaengzgwnz caemh benq dieg ndeu hwnq. Diuz dahlaux ciuqgaeuq baenzneix hwnzhwnz ngoenzngoenz riuz baeoo， giuzlienhdiet hix ciuqgaeuq lij lienz song hamq dah，caenh dan mbiengj baihdoeng gaenq hoengqvatvat liux lo.

　　Gou hix duenh nanz mbouj dawz haeuj sim lo，mbouj rox daj seizlawz aen mbanj dou gaenq bienq dwk yied daeuj yied hung，roen hix yied daeuj yied gvangq，ranz hix yied daeuj yied lai，cungj ndaej caeuq yienhsingz doxlienz lo，yihyen、dangjyau daengj doengh aen gihgou neix hix laebdaeb daj yienhsingz senj daengz dieg Vunzvaengz dou daeuj lo，dijyuzgvanj、dijyuz gvangjcangz hix youq gizneix hwnq lo，cwngfuj riengz hamq dahlaux coih le diuz lohcamx hawj vunz youz byaij ndeu，ngutngut ngeujngeuj con gvaq Mbanjvaengz，doeng daengz aen gunghyenz diegcumx guekgya Haugunhhuz gingjgih seiq A gaep. Daengz banhaemh，gyoengq- vunz cungj baenz bang baenz gyoengq daj ndaw singz youzbyaij gvaqdaeuj dwkdwk giuz roxnaeuz lienhlienh ndang. Seizneix gyoengqvunz baihrog hix mbouj heuh gizneix Mbanjvunzvaengz lo，gaij heuh le singznamz.

　　Gauhsuz goengloh hix gig vaiq coih daengz aen yienh Lingzyinz，aen bak loh’ok gauhsuz ndeu couh hwnq youq singznamz gizneix. Diuz daihloh singznamz sohrwdrwd coih gvaq bak ranz Dahyinh，gij ci baebae dauqdauq. Laeng Dahyinh seizneix gaenq hwnq doengh laeuz haj caengz ndeu，it laeuz guh bouqdiemq，co hawj vunz dajgai，ngeih laeuz dwg dingdangz、fungh dajcawj caeuq fungh daxbuz youq，boh Dahyinh ninz sam laeuz，seiq laeuz haj laeuz cuengq hoengq，daxbuz naeuz louz hawj Dahyinh ma youq. Baeznaengz ndaej hoengq，daxbuz haengj naengh youq aen daengqrin raezreg bakdou haenx yawj gij ci fwt bae fwt dauq. Gyoengqvunz singznamz senq couh yawj gvenq ci lai baenzneix，hix yawj gvenq gij ciraghek baebae dingzdingz bak ranz Dahyinh.

　　Laeng Dahyinh senj gvaq Vaengzgwnz le，gek laeng gou mbouj daengz geij yamq roen，youq gaenh le，song ranz hix lai doxbyaij lo. Doenghbaez gou haengj caeuq Dahyinh guhcaemz，seizneix meh gou hix haengj ra daxbuz guhcaemz，laeng gou cawj maz doxgaiq feihgwn，meh gou cungj daek vanj ndeu heuh gou soengq bae hawj daxbuz，daxbuz miz maz ndeigwn hix mbouj lumz dawz gvaqdaeuj hawj meh gou. Daxbuz haetnaengz cungj hwnq ndaej gig caeux，gou ciengzseiz raen de gaem fag roi ndeu menhmenh roigyaeuj. Byoemgyaeuj daxbuz yienz- naeuz mbangbyegbyeg，byoemhau cij ngamq raez daengz bienrwz，hoeng gou cungj roxnyinh daxbuz roigyaeuj roi ok le cien bya fanh raemx. Roi sat le，de aeu cik fwngz yubyub di raemx，youq gwnz dingj gyaeuj rubrub geij mbat，cij boihfwngz byaij bae aen hangzbyaek liz neix mbouj gyae haenx，gizde gyoengq gai nohmou nohvaiz、gai byaek gai mak haenx cungj dwg gyoengq gekleiz gvenq sug doenghbaez de. （3）

　　我们三人又是扶，又是撑，那个发胖的沉重的身体摇摇晃晃，扶着的人也跟着摇摇摆摆。几个人就那样缓慢地挪移，一步一步，走进对面那一扇早已落漆的房门。

　　那一夜，所有的人都没有睡好。

　　我极少在阿音家看到她父亲，倒是经常在学校里看到他的身影。村里每有红白喜事，人们都喜欢到学校的操场上办饭菜。村子里再也没有什么地方比得操场更适合摆饭桌了。阿音父亲有一手好厨艺，村里的红白喜事都会找他帮忙。临时炊具依着学校围墙摆开，阿音的父亲坐在案旁忙碌，五花肉、白斩鸡、蒸鱼、炸排骨……几乎每道菜的腌制下料，都经过他的手。菜一道一道端上桌，满满一操场的人，吃得热闹，夜深时，总会剩下几个喝醉的人，其中就有阿音的父亲。村里人说，阿音父亲若是不滥酒，光凭这手艺，就能把生活过好。

　　我从来没见过阿音的母亲，只隐约听我妈提过，说是她父亲滥酒，一醉就打她母亲，她母亲过不下去，就跟人跑了，那时候阿音只有二三岁……我妈说到这事时，总是半遮半掩的，这些是大人们的秘密，他们不会说给我们小孩子听。

　　阿音父亲偶尔也在外揽活，去周边的乡镇，也去周边的县城。有时候几个月才回来一次，却也没带回多少钱。奶奶说，他的钱都叫他喝酒喝光了。这么多年来，他为无数个房子砌过无数的砖，却没一块是为自己家砌的。

　　三

　　高三还没结束，阿音就跟一个男人走了。去了哪里，没有人知道。其实对于阿音的出走，我并不感到意外。那无数个无法成眠的辗转反侧的夜，那些在夜里偷偷抹掉的眼泪，我都看得真切。阿音的十八岁，就是她蓄力磨出的翅膀，只要时机一到，她奋力一扇，便要挣脱出那个她早就厌烦的巢穴。

　　村里人议论了一番，渐渐也忘了阿音，我想一直惦记着阿音的人，可能只有奶奶了。村庄的日子依旧，只是我已极少往河东去了，高三的学习很紧张，更何况河东已没有了阿音。一些人，一些事，零零碎碎裹挟到光阴里，有时候很漫长，有时候又很短暂。不久后，我考上大学，到外地读书去了，下洪屯的事也渐渐淡去。

　　有一年夏天，凌云下了一场罕见的持续了几天几夜的大雨，山洪咆哮着冲下山来，巨石滚落，划开青黑苍绿的山体，远远望去，像山裂开了一道缝。政府请来专家勘察，说还会有山体滑坡的危险，建议举屯搬迁。下洪屯很快迁到河西，与上洪屯连成一片。泗水河依然昼夜不停浩浩荡荡流淌，铁索桥依然连接着河东和河西，只是河东那头已空空荡荡。

　　我不曾留意，村庄什么时候变得越来越大的，道路越修越宽，房子越建越多，终于与县城连成了一片，医院、党校等机构陆续从县城迁到镇洪来了，体育馆、体育广场也在镇洪建起来了，政府沿着泗水河岸修了一条人行栈道，弯弯曲曲地穿过镇洪，再通往国家4A级景区浩坤湖湿地公园。傍晚时分，城里人三三两两走来镇洪散步、打球锻炼。外面的人也懒得叫镇洪了，改称镇洪为城南。

　　高速公路也很快修到了凌云县，其中一个出口就在镇洪。过往的车辆穿过笔直的城南大道是一定要经过阿音家门口的。阿音家如今是一幢五层楼房，一楼做门面，租给外地人卖百货，二楼是客厅、厨房和奶奶的房间，阿音父亲睡三楼，四五楼空着，奶奶说留给阿音回来住。平常没事时，奶奶喜欢坐在门前那条半米长的石凳上看来去匆匆的车辆。城南的人早已熟悉了这密集的车流，也习惯过路的车辆在阿音家门前升客落客。

　　阿音家搬到上洪屯后，与我家相隔不过几步远，住得近了，两家走动也频繁起来。以前是我和阿音走得频繁，现在是我妈和奶奶走得频繁，我家煮了好吃的东西，我妈总舀上一碗叫我送去给奶奶，奶奶做了好吃的东西也不忘拿过来给我妈。奶奶总是起得很早，我经常看到她手中的木梳缓慢地从发根梳到发尾。稀疏的白发只垂过耳边，却被她梳出了千山万水那般绵长。梳毕，她用干枯的手蘸了蘸清水，在头发上轻轻拍打理顺，才背着手朝几米之外的市场走去。那里卖猪肉、卖牛肉、卖蔬菜、卖水果的都是她原先熟悉的乡邻。

编辑：黄誉琦