Song cik fwngz ndaemndwt co lumj naengfaex

Daiz hwnj riengmeg henjgim

Ndaw fajnaj lumj namhhenj、fouq da ndaemfonx

Coux rim gij ronghlwenq daengngoenz

De haengjdingh ngeng rwz dingq gvaq

Gou youq ndaw reihmeg riugakgak

De haengjdingh yungh sim yo gvaq

Gij rang meg gou doxbuet daiq daeuj haenx

Sawqmwh gij nyaeuq gwnz naj de mbehai

Fwt nyeux gyaeuj yawj

Gwnz namh baihlaeng de rim henjgim liux

Riengrieng cungj duiq coh daihdeih