12 nyied 19 hauh, Cunghvaz Minzcuz Gungdungzdij Lijlun Yenzgiu Nem 《Gvangjsih Minzcuz Yenzgiu》 Cauhganh 40 Hopbi Yozsuz Yenzdaujvei youq Nanzningz guh, haeujlaeg doekguh gij cingsaenz Ngeihcib Gaiq Seiqcungh Cienzhoih Dangj caeuq gij swhsiengj youqgaenj mizgven gyaak caeuq gaijndei hong minzcuz Siz Ginbingz cungjsuhgi, caezcaemh maeuzveh cauhlaeb aen dijhi lijlun Cunghvaz Minzcuz gungdungzdij, caezcaemh doxyaeng diuzroen gizganh seizdaih moq hwngfat ndei saed, caezcaemh angqhoh 《Gvangjsih Minzcuz Yenzgiu》 cauhganh 40 hopbi.

Yenzdaujvei gij youqgaenj dwg 《Gvangjsih Minzcuz Yenzgiu》 cauhganh 40 hopbi, baenzroix dauqgeix gizganh youq mwh minzcuz lijlun yenzgiu、yozsuz doxgyau caeuq cwngzgoj cienzboq ndawde miz maz goenglauz, haeujlaeg yenzgiu doxyaeng gij lijlun hungnaek、yienhsaed caeuq lizsij vwndiz caeuq baihnaj yozsuz Cunghvaz Minzcuz gungdungzdij lijlun yenzgiu. Gyoengqboux lauxhangz camgya haihoih cungj nyinhnaeuz, 《Gvangjsih Minzcuz Yenzgiu》 cauhganh 40 bi doxdaeuj itloh laebdin minzcuzyoz caeuq mizgven baihnaj yozgoh, fugsaeh aen daihbuenz hong minzcuz、doinyoengx yozsuz cauhmoq caeuq cwngzgoj cienzboq miz goengrengz lailai.

Aen hoih doeg le gij mingzdan benhveijvei veijyenz gaiq moq 《Gvangjsih Minzcuz Yenzgiu》, 《Gveicouh Minzcuz Yenzgiu》 Benhcizbu、Ganhsuz Swngj Sevei Gohyozyen Cazcise、Cunghnanz Minzcuz Dayoz Yozbau Benhcizbu、《Yinznanz Minzcuz Dayoz Yozbau（Cezyoz Sevei Gohyozbanj） 》 Benhcizbu doenghgij danhvei neix fat saenq daeuj goenghoh, 《Bwzfangh Minzcuz Dayoz Yozbau》 Benhcizbu soengq huqlaex daeuj goenghoh.

Yenzdaujvei youz Gvangjsih Minzcuz Lijlun Cwngcwz Yenzgiusiz（Gvangjsih Minzcuz Yenzgiu Cunghsinh）、《Gvangjsih Minzcuz Yenzgiu》 Benhcizbu caeuq Gvangjsih Minzcuz Yenzgiu Cunghsinh Couqmaenh Gij Eiqsik Cunghvaz Minzcuz Ranz Vunz Ndeu Yenzgiu Gihdi cawjbanh, Gvangjsih Minzcuz Yenzgiu Yozvei、Gvangjsih Cangyoz Yozvei bangbanh, 100 lai boux lauxhangz yozcej ndaw gih rog gih gaudaengj yenyau、gohyenz gihgou、gizganhgai caeuq Swcigih Minzcunghveij gihgvanh ganbu daeuj camgya haihoih.(Liuz Yez Se Liengzyij)