Ndwen 7 ngoenz 2 gvengq

Ngoenzneix, dou daengx ranz hwnjroen bae guh sujgyaj yenzyoz lo. Haetcaeux, daxmeh couh hwnqdaeuj caeb hingzlij, daxboh bae cawx gijgwn bwh youq gwnz ci gwn. Cungj bwh ndei lo, dou couh angqfwngfwng bae dungcehcan lo! Daeuj daengz dungcehcan, dou caeuq gyoengq doih doxraen, doenggvaq anhgenj le, couh hwnj ci lo. Doenghci menhmenh hai lo, gwj hai gwj vaiq, lumjbaenz duzlungz raezrangrang ndeu youq ndaw fwj saekcaij con gvaq. Sim gou beij “duzlungz hung” buet engq vaiq, caeux couh mbin daengz Huznanz gyae’gyanggyang haenx lo!

Lajbyonghngoenz 6 diemj cung, dou daeuj daengz Cangzsah, doz youq diemqninz le, couh maqmuengh ngoenzcog mbwnrongh baeyouz lo.

Ndwen 7 ngoenz 3 gvengq

Ngoenzneix, dou aeu bae gozfangz gohgi dayoz, camgya aen bizyez denjlij daeggo baengzyoux ndei gou Yingzyingz, swnhbienh yawjyawj aen hagdangz hawj vunz simngah neix. Byaij haeuj hagdangz, laeuzsonhag sangvid、cauhcangz gvangqyub, hawj vunz gag raen yiemzsuk, daxmeh lwnh gou, raeuz moix boux vunz cungj aeu vih guekgya ok faenh rengz ndeu, guekgya raeuz cij ndaej hung’ak. Gou gag roengz gietsim, maj hung le, gou hix aeu soujhoh guekgya raeuz！

Bancaeuz, dou naengh deihdiet bae Vuj Yiz Gvangjcangz guhcaemz. Baez ok bak deihdiet, gij feih youh rang youh haeu boenq haeuj ndaeng daeuj. Dou gaen feihdauh bae ra, dwg feih daeuhfouhhaeu dahraix! Daeuj Cangzsah, baenzlawz mbouj cimz daeuhfouhhaeu ne! Dou gaen laeng vunzlai baizdoih raezrangrang, naihsim dwk caj. Gig mbouj yungzheih daengz dou la, gou caj mbouj gib nep gaiq ndeu haeb gwn, daeuhfouh neix lij miz ieng ne! Gwn youq ndaw bak, di ndeu hix mbouj haeu, lij rim bak louz gij heiqfeih rangfwdfwd ne!

Ndwen 7 ngoenz 4 gvengq

Ngoenzneix, dou aeu bae Gizswjcouh riuzmingz lajmbwn haenx. Dou naengh hojceh iq bae daengz lo. Baez roengz ci, va, vunz lai vunz daih! Mbwn Cangzsah gig hwngq, daxmeh gangjriu naeuz dou cungj yaek aeu deng geb baenz “nohgebmba” la! Gou dingq le riuhaha!

Dou riengz diuz dah Sienghgyangh menhmenh byaij, song mbiengj haenzdah daeng rongh saekcaij lwenqda raixcaix, ingj ndaej gyangdah lumj bu rim ndaundeiq saekcaij ityiengh. Dou yawj aen siengq mwh mbauq Mauz Cwzdungh, dingq bouxgangjgej gangj, rox ndaej haujlai goj Mauz cujsiz. Mauz cujsiz lij iq seiz couh miz lijsiengj hungmbwk， lij raiz haujlai sei ndei. Gou yawj aensiengq deu de, ndaw sim gag naemj: Nyezrauh giengz guek couh giengz, nyezrauh dou hix aeu guh boux vunz miz lijsiengj、miz dangdan ndeu!

Ndwen 7 ngoenz 5 gvengq

Ngoenzneix haetcaeux, dou couh bae yawj giz Liuz Saugiz caeuq Mauz Cwzdungh gaxgonq youq. Dou sien daeuj yawj gizyouq Liuz Saugiz. Banringz, dou youh daeuj daengz gizyouq Mauz Cwzdungh. Gij vunz daeuj gizneix yawj hix gig lai, daihgya cungj baizdoih ndeindei. Dingq Bouxgangj sijsaeq gangjgej, gou rox Gangcan Seizgeiz haujlai gojgaeq Mauz cujsiz, gij goj neix cungj dwg gou youq gwnz goqdangz caengz dingq gvaq.

Daxmeh naeuz：“Hagsib mbouj dwg cij miz gwnz dangz, neix couh dwg dangz goq daihngeih dou. Guekcoj raeuz couh lumj bonj saw hung ndeu. Bonj saw neix, aeu lwgda raeuz bae yawj, aeu yamqdin raeuz bae rau, aeu sim bae roxyiuj.” Gou yienznaeuz dingq mbouj rox gij vah daxmeh liux, hoeng, gou rox, baezneix daeuj Cangzsah youzhag hawj dou doeg rox haujlai neiyungz ndei bonj “saw hung” neix, gou caen gyaez doeg bonj “saw hung” neix!

长沙游记

贵港市覃塘区蒙公镇高占小学三（2）班 韦依杭

7月2日 晴

今天，我们一家开启了暑假研学之旅。一大早，妈妈就忙着收拾行李，爸爸去采购高铁上要吃的零食和水果。一切准备就绪，我们兴冲冲地出发去动车站！到了车站，我们和小伙伴们顺利会合，通过安检后，终于踏上了期待已久的动车。动车慢慢启动，速度越来越快，像一头长龙在云彩里穿梭。我的心比这 “巨龙” 跑得还快，早已飞到千里之外的湖南啦！

下午六点，我们平安抵达长沙，在酒店安顿好后，就盼着明天的旅程啦。

7月3日 晴

今天，我们要去国防科技大学，参加我的好朋友盈盈哥哥的毕业典礼，顺便参观这所令人向往的学校。走进校园，整齐的教学楼、宽阔的操场都透着雄伟与威严，我们在学校漫步，妈妈告诉我，我们每个人都要为国家出一份力，我们的国家才能强大。我暗暗下定决心，长大后，我也要守卫我们的祖国！

傍晚，我们乘坐地铁去五一广场游玩。一出地铁口，一股又臭又香的味道扑鼻而来。我们跟着味道寻找，果然是臭豆腐的香气！来长沙，怎么能不尝尝臭豆腐呢！我们跟着人群排着长长的队伍，耐心等待着。好不容易到我们啦，我迫不及待夹起一块咬了下去，这豆腐还会爆汁呢！吃在嘴里，一点都不臭，还满嘴留香呢！

7月4日 晴

今天我们的行程是前往名扬四海的橘子洲。我们乘坐小火车来到橘子洲。一下车，哇，人山人海！长沙的气温很高，妈妈说我们都要被挤成“肉夹馍”啦！我听了哈哈大笑！

我们沿着湘江漫步，傍晚的湘江两岸亮起了五彩的灯光，绚丽无比，映照得江水像铺满了彩色的星星。我们参观了毛泽东青年头像，听讲解员讲解，了解了很多关于毛主席的故事。毛主席少年就立下鸿鹄之志，还写下了壮丽的诗词。我看着雕塑，心里暗暗想：少年强则国强，我们少年也要做一个有理想、有担当的人！

7月5日 晴

今天一大早，我们就出发前往刘少奇故居和毛泽东故居参观。

我们先来到刘少奇故居参观。下午，我们又来到毛泽东故居。来到这里参观的人很多，大家都有序地排队。听着讲解员细致的讲解，我了解到了毛主席抗战时期的很多故事，这些都是我在课堂上没听过的新知识。

妈妈说：“学习不是只有课堂，这就是我们的第二课堂。我们的祖国就像一本大书，这本书，需要我们用眼睛去看，用脚步去丈量，用心灵去体会。”我虽然不能完全听懂妈妈的话，但我知道，这次长沙之行让我读懂了这本“书”的好多精彩内容，我真热爱读这本 “大书”！

(lauxsae son raiz: Veiz Caijfangh 指导老师：韦彩芳)