Vih haeujlaeg doekguh aen swhsiengj sevei cujyi miz gij daegsaek Cungguek seizdaih moq Siz Ginbingz, lai doinyoengx aen swhsiengj ak bing Siz Ginbingz haeuj sawsonhag haeuj dangzgoq haeuj uk, engq ndei son vunz、vih hoenx ganq vunz, Cunghyangh Ginhveij Cwngci Gunghcozbu cujciz bienraiz 《Gij Gailun Aen Swhsiengj Ak Bing Siz Ginbingz》(baihlaj genjdanh heuh 《Gailun》), gaenq hawj Gaijfangginh Cuzbanjse okbanj fathengz.

《Gailun》 dwg sawsonhag gyonjbien baenzroix lwnhgangj aen swhsiengj ak bing Siz Ginbingz liuxliux, dwg cek saw gienzvi dangz cwngci lijlun aen hagdangz bingdoih. Bienraiz okbanj caeuq yungh《Gailun》, doiq engq ndei yungh aen swhsiengj ak bing Siz Ginbingz couq hoenz ganq vunz, sonyinx guenbing bouxcoz lai rox daengz “song aen laebdingh ” ndaej gietdingh guh baenz hongsaeh, guh maenh aen giek swhsiengj cwngci dingq dangj cijveih、haenqguh ak bing, roengzrengz guhbaenz boux vunzmoq seizdaih dawz ndaej rapnaek ak bing miz yungh lailanglang.

《Gailun》 miz daujlun、15 cieng cawjdaej neiyungz caeuq vahsatbyai gapbaenz, naeuz gij cingzgoj ceiq moq gij ginhsw cijdauj lijlun dangj cauhmoq hwngfat liuxliux, daegbied dwg doiq hwngfat gij ginhsw lijlun Majgwzswh cujyi miz yungh lai, naeuz le aen swhsiengj ak bing Siz Ginbingz dazyinx hengzguh ak bing aenndaej gij cingzcik doenghbaez caengz miz gvaq、miz gaijbienq hungloet. 《Gailun》 cungsaed nyuenz saw nyuenz faenz nyuenz ngeih, doedok aen dazyiengq sonhag caeuq aen ceijyiengq saedguh, yawjnaek haeujlaeg lwnh dauhleix hag leix, gangj cingcuj gij iugouz baijbouh aen hong ak bing seizdaih moq dangj raeuz、aeu bingdoih yinzminz hwnqguh baenz bingdoih daengjdaeuz seiqgyaiq, bangrengz aeu aen swhsiengj ak bingz Siz Ginbingz cienjbaenz ciengz ciengq gunghoj guhbaenz gaiq hong buekguh hwnqguh bingdoih bak bi、doihaeuj gij rengz ak aen saehnieb ak bing seizdaih moq.

(daj 《Sinhvazse》 aeu daeuj genj hoiz)