Cunghvaz Yinzminz Gunghozgoz Gaiq Daih Cibhaj Yindungvei 9 hauh banhaemh youq Gvangjdungh Swngj Gvangjcouh Si haimuq. Cunghgung Cunghyangh cungjsuhgi、guekgya cujsiz、Cunghyangh Ginhveij cujsiz Siz Ginbingz camgya haimuqsik caemh- caiq senhbu yindungvei haimuq.

9 hauh banhaemh Gvangjdungh Aulinzbizgwz Dijyuz Cunghsinh daeng ronghsagsag, nauhyied raixcaix. Neix dwg daengx guek yindungvei baeznduj hawj Yez Gangj Au sam dieg caez banh.

19 diemj 58 faen, youq ndaw sing go angqyangz, Siz Ginbingz caeuq mehyah Bungz Liyenz doengh boux vunz yamqhaeuj cujsizdaiz, vadfwngz coh bouxyawj. Daengx ciengz dopfwngz nanznanz cij daengx.

20 diemj, Gaiq Daih Cibhaj Daengx Guek Yindungvei haimuqsik cingqsik hainduj. Buenx gij sing go 《Danqciengq Guekcoj》, gij bing hen Geiznding Haj Sing ronghsien hamj haeuj dijyuzcangz. Cenzyinvei hoihgeiz、Gaiq Daih Cibhaj Cenzyinvei hoihgeiz caeuq aen fanghcin hoihgeiz youz 16 boux gizsouj gapbaenz haenx haeujciengz. Doih daibyauj boux- caizbuenq riengz haeujciengz. Gaenlaeng dwg gyoengq yindungyenz daibyauj 37 aen daibyaujdonz. Gyoengqde faenbied daj gak swngj、swcigih、cizyazsi, Yanghgangj Daegbied Hingzcwnggih、Aumwnz Daegbied Hingzcwnggih, Sinhgyangh Swnghcanj Gensez Binghdonz caeuq 3 aen hangzyez dijyuz hezvei daeuj. Daengx ciengz bouxyawj dopfwngz hemqheuh angqcoux gyoengq yindungyenz haeujciengz.

Haeujciengz sat, daengx ciengz ndwn haeujdaeuj, ciengq goguek Cunghvaz Yinzminz Gunghozgoz. Youq ndaw sing goguek hungmbwk, Geiznding Haj Sing menhmenh swng hwnjdaeuj、mbinyagyag.

Cunghgung Cunghyangh Cwngcigiz veijyenz、Gvangjdungh Swngjveij suhgi Vangz Gunhmingz, Yanghgangj Daegbied Hingzcwnggih hingzcwng cangjgvanh Lij Gyahcauh, Aumwnz Daegbied Hingzcwnggih hingzcwng cangjgvanh Cwnz Hauveih, Guekgya Dijyuz Cungjgiz gizcangj Gauh Cidanh faenbied gangjvah.

20 diemj 43 faen, Siz Ginbingz senhbu：Cunghvaz Yinzminz Gung- hozgoz Gaiq Daih Cibhaj Yindungvei haimuq! Daengx ciengz nauhyied raixcaix, dopfwngz nanznanz mbouj daengx.

Buenxriengz gij yaem’wenq gohoih Gaiq Daih Cibhaj Cenzyinvei, cenzyinvei hoihgeiz caeuq Gaiq Daih Cibhaj Cenzyinvei hoihgeiz menhmenh swng hwnjdaeuj.

Cinz Aiswngh、Youz Cinyenz、Yenz Senhyinz faenbied daibyauj yindungyenz、gyaulenyenz、boux- caizbuenq Gaiq Daih Cibhaj Cenzyinvei miengnaeuz.

Yienjheiq cawjdaez dwg 《Saedyienh Loqsiengj Coglaeng》 hainduj. Daengx ciengz yienjok dwg “caemh rag caemh goek”“caemh sim caemh yienz”“caemh loq caemh baenz” 3 aen biencieng gapbaenz, cauhmoq yungh dijyuz yenzsu、yisuz dinfwngz caeuq gohgi baihnaj, lwnhgangj aen cawjdaez “cenzyinvei gikcingz, davanhgih hoenghhwd” gaiq cenzyinvei neix.

Ndaw ciengz hojgi cienzndenq caeuq cujhojgi diemjdawz yizsiz hainduj. 11 nyied 2 hauh, Gaiq Daih Cibhaj Cenzyinvei hojgi youq Yez Gangj Au sam dieg caemhyamq cienzndenq, doeklaeng comz haeuj Gvangjdungh Audij Cunghsinh. Caezgya haeujrwz yawj, Maj Linz、Cinz Yozlinz、Vangz Ginhbauj、Fangh Vwnzhau、Goz Cinghcingh、Vangz Sinhyiz、Vangz Liujyi、Vangz Cenhyi、Liengz Veijgwngh、Lai Senhci、Senj Dunghmei、Yungz Cihingz daengj 12 boux hojgisouj cieprengz cienzndenq, doeklaeng youz Suh Bingjdenh、Cangh Gyahlangj、Lij Yiz caez diemjdawz cujhojgi cenzyinvei.

21 diemj 27 faen, Gaiq Daih Cibhaj Cenzyinvei haimuqsik youq ndaw sing gocawjdaez 《Mbwn Haij Caemhsim》 nauhyied guhsat.

Vangz Yi、Lij Hungzcungh、Hoz Lizfungh、Cangh Youyaz、Vangz Siujhungz、Cinz Yizginz、Vangz Dunghfungh camgya haimuqsik.

Gozci Auveijvei cujsiz Gauj- vwnzcuiz、Gozci Auveijvei daengx ciuh mingzdaeuz cujsiz Bahhwz caeuq gyoengq bouxhek rog guek ndaej cingj daeuj yawjhag Gaiq Daih Cibhaj Cenzyinvei haenx camgya haimuqsik.

(daj 《Sinhvazse》 aeu daeuj genj hoiz)