10 nyied 9 hauh, Swcigih Gyauhdungh Yinsuh Dingh lwnh vunz rox, bineix geij ngoenz gozging, Gvangjsih daengx biengz vunz hamj gyaiq baedauq daengz 9992.27 fanh vunzbaez, ngoenz bingzyaenz 1249.03 fanh vunzbaez, doengzbeij lai hwnj 12.18%. Daengx gih roenloh daehyinh cungj byaij ndaej ancienz、bingzonj、miz bouhloh.

Ciuq cam rox, geij ngoenz gozging, daengx gih goengloh vunz baedauq gungh 9402.54 fanh vunzbaez. Ndawde, daengx gih goengloh ci yinh hek aeu ngaenz 1167.84 fanh vunzbaez, gauhsuz goengloh caeuq itbuen roen guek ciiq mbouj dwg yinh hek aeu ngaenz baedauq 8234.7 fanh vunzbaez.

Daengx gih dietloh gungh guhsat yinh hek 497.3 fanh vunzbaez, ngoenz bingzyaenz 62.16 fanh vunzbaez; minzhangz gungh guhsat yinh hek 62.35 fanh vunzbaez, ngoenz bingzyaenz 7.79 fanh vunzbaez; ruz yinh hek gungh guhsat 30.08 fanh vunzbaez, ngoenz bingzyaenz 3.76 fanh vunzbaez.

Gauhsuz goengloh fuengmienh, daengx gih gauhsuz goengloh gizhaeuj gizok ci baedauq gungh 3711.68 fanh gyaqbaez（ndawde ciiq 3414.88 fanh gyaqbaez）, ngoenz bingzyaenz 463.96 fanh gyaqbaez, doengzbeij lai hwnj 16.5%.

(Vangz Yenjlaiz Veiz Nen)