Mboengqneix, Lungzswng Gak Cuz Swciyen Lozgyangh Cin Dilingz Cunh haeuxcid nding baenz sou lo, vunzmbanj dangdieg ganj seiz mbwn ndit sou haeuxcid nding, doenghnaz yawj bae nyaengqnyatnyat.

Haeuxcid nding Lungzswng youq bi 2018 ndaej nyinhcingq baenz huq reihnaz miz gij biu deihleix guekgya, dwg aen canjnieb miz daegsaek dangdieg ndawde aen ndeu. Geij bi neix daeuj, aen cin neix doenggvaq riuzcienj cingjhab reihnaz vunzlai, doihengz aen hwngfat vunqsik “nungzminz conhyez hozcozse+dieggiek+nungzhu”, ciuq saed dingh geiq bae ndaem haeuxcid nding, hawj vunzmbanj lai miz ngaenz roengz daeh, bangrengz guhhoengh lajmbanj.(Banh Cisiengz)