Bi 1921, youq Cezgyangh Gyahhingh gwnz aen ruznding ndeu,

Aen cwngdangj ndeu okseng lo,

Bouxgaemdox “nohhenj” haidaeuz yinx “gwzming yinzminz” ,

Daiqlingx gunghyinz、nungzminz、siuj swhcanj gaihgiz caeuq minzcuz swhcanj gaihgiz,

Lumj seiq naed ndaundeiq iq, hopndaet aen cungsim ndeu,

Yungh lwednding， baihnaj cung baihlaeng gaen,

Nyumx nding gij namhndaem neix,

Bi 1949 ndwen 10 ngoenz 1 hauh, mienh daih’it Vujsingh Hungzgiz,

Youq gwnz saenzcou daihdeih swnghwnj,

De lumj aen daengngoenz ndeu, caenh gyaep,

Gij mokfaenx gyuem youq gwnz dieg 960 fanh bingzfueng goengleix,

56 aen minzcuz fwngz gaem fwngz, doengz ciengq aen go ndeu：

《Mboujmiz Gungcanjdangj, Couh Mboujmiz Cungguek Moq》,

Doifan “sam goengq byahung”, ciepcoux seizcin moq daeuj daengz.

Seizneix, aen Cungguek hoenghfwdfwd ndeu,

Aen Cungguek saekrim maqmuengh ndeu,

Sangnengneng daengj youq baihdoeng seiqgyaiq,

Seizneix, youq laj mbaw Vujsingh Hungzgiz yinxlingx,

Cibseiq ik vunz Cungguek, gaem fwngz doxgap guh,

Coh aen “loqsiengj Cungguek”,

Youq gwnz diuz roen hung neix haenqrengz baenaj.

Ngoenzneix, raeuz aeu coh mienh geiznding neix gingqlaex,

Coh aen guekcoj hungmbwk raeuz gingqlaex,

Aenvih raeuz gig gyaez mwngz——guekcoj daxmeh.