第02版:man
3上一版  下一版4
 
Guekcoj Youq Ndawsim
Ciet gozging Nanzningz Si Minzcuz Dadau venj guekgeiz angqhoh ngoenzseng guekcoj
Coh Mienh Geiznding Gingqlaex
Caez Hoh Guekcoj Fanhdaih Hoengh
版面导航     
3上一期  下一期4
新闻搜索:  
3上一篇 2025年10月1日 放大 缩小 默认        

Caez Hoh Guekcoj Fanhdaih Hoengh

□ Dwngz Dwngz/滕 腾
 

Gyong yiengj dungdung doengh daengz bya,

Daihgya eu fwen haenh guekcoj,

Guekcoj couh lumj daengngoenz moq,

Hoh de ngoenzngoenz rongh lwgminz.

Haeuxlaeuj oemq youq ndaw cukdoengz,

Feihrang doeng daengz singz Baekging,

Gingz boi caez hoh ciet gozging,

Singz mbanj cukhoh guekcoj maengh.

Goleux va hai nding lumj feiz,

Laehcei va rang yinx rwi daeuj,

Cienfanh dujva cungj ngaek gyaeuj,

Guekcoj hwngvuengh raeuj simvunz.

Haeuxnaengj ndaw caengq rangraegraeg,

Nyumx baenz hajsaek ndei yawj lai,

Cang vanj haeuxnaengj baij gwnz daiz,

Saisai mbwkmbwk gingq guekcoj.

Lwggyoij henjrwg youq gwnz bo,

Makgam gwnz go hoij lumj gim,

Cwngcwz dangj lumj fwn seizcin,

Nyinh daengz Mbanjcuengh cienfanh ranz.

Maknganx makgai rim gwnz go,

Nohbiz feihrang diemz daengz sim,

Soengq daengz gak dieg hawj vunz cimz,

Guekcoj gyaudoeng caen rimhoz.

Yaek hawj ruzlungz bongh ndaej vaiq,

Daihgya okrengz cung raemxlangh,

Caezsim caezeiq daeuj doxbang,

Guekcoj fazcanj vaiq youh ndei.

Hawfwen vunz lai lumj raemxhaij,

Bouxboux maij dingq sim hix van,

Ronghndwen dingq le mbouj ma ranz,

Haenhdanq guekcoj gizgiz ndei.

Gaeuvaiz vanvan ut dauqgwnz,

Gyoengqvunz Mbanjcuengh ceiqheiq sang,

Gizgiz guh saenqhwng lajmbanj,

Ganq aeu guekcoj engq gyaeundei.

Ngoenzseng guekcoj geizsaek biu,

Mbanjcuengh singriu dauqcawq langh,

Ndawsingz lajmbanj bouxboux angq.

Caez hoh guekcoj fanhdaih hoengh.

 
3上一篇  
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭