Ngoenzneix haggeiz sat gaujsi, laexsae daengq heuh dou gag daiq gonj bit maegndaem ndeu. Gou okdou muengz lai, gingqyienz lumz lo.

Baenzlawz guh ne? Mwh gou gipsaengsaeng, aen daehsaw boux doengzhag byaij baihnaj gou sawqmwh doek gonj bit maegndaem ndeu okdaeuj. Gou caegcaeg maeuq roengz, siujsim lili gip gonj bit hwnjdaeuj. Ha ha, vaz gyaeuj bongx ga ra mbouj ndaej, dingjlingz gip ndaej heih dangqmaz. Gou angq raixcaix, hoeng baez naemj: Danghnaeuz boux doengzhag neix cijmiz gonj bit neix, yienghneix gou mbouj dwg haih de ma? Gou byaij vaiq song yamq, ganj hwnj boux doengzhag baihnaj, boiz gonj bit hawj de.

Yaek daengz mwh gaujsi, gamgauj lauxsae daeuj caz aen habbit gou, cam gou vihmaz mbouj daiq bit maegndaem. Gou itit ngeihngeih lwnh hawj lauxsae, caemh lwnh de gienh saeh banhaet fatseng haenx.

Lauxsae riu dwk cam:“Mwngz ienqhoij lwi?”“Mbouj ienqhoij!”Gou giendingh dwk dap.

Lauxsae bongxbongx mbaq gou, veq ndang daj gwnz daizgangj dawz gonj bit maegndaem ndeu ndenq hawj gou……

Doz banj neix dwg AI guh