Miz ngoenz ndeu, lauxsae daiq dou youq cauhcangz guh’angq. Guh’angq sat le, dou ma daengz gyausiz, lauxsae naeuz yaek faen dangz hawj dou gwn. Baez siengj daengz gij dangz youh rang youh diemz haenx, myaiz gou couh rih lo, sim siengj：“Gou yaek faen ndaej geij naed dangz ne?”

Cungjsuenq muengh raen lauxsae hainduj faen dangz lo.

Lwnz daih’it, lauxsae naeuz：“Boux yijvwnz nyiedgauj ndaej hwnj goujcib faen daeuj lingx naed dangzmizgaenq ndeu.” Miz di hojsik, gou ca 0.7 faen, mbouj ndaej hwnj daiz. Yawj bouxwnq angqfwtfwt lingx dangz, gou ndaw sim miz di soemj.

Lwnz daihngeih, lauxsae naeuz：“Boux suyoz nyiedgauj hwnj goujcib faen daeuj lingx bau gaksoembyot ndeu.”Gou sim’angq raixcaix, naj riu naj hai, aenvih gou suyoz hwnj goujcib faen! Gou cung hwnjbae, angqfwngfwng lingx ndaej bau gaksoembyot ndeu, ndaw sim beij gwn dangzrwi lij diemz. Seizneix, gou roxnyinh daengngoenz doiq gou riu, duzroeg hemqcaca haenh gou, lienz mbawfaex hix yiengjsasa, lumj ciengq go hawj gou nei.

Lwnz daihsam, lauxsae naeuz：“Boux Yinghyij nyiedgauj hwnj goujcib faen daeuj lingx bau gaksoembyot ndeu.”Gou gamjdaengz najmong, Yinghyij cingq dwg monz goq nyieg gou ha! Gou miz di doeknaiq, sam goh cij lingx ndaej bau gaksoembyot ndeu. Seizneix, gou roxnyinh daengngoenz mbouj cwxcaih dwk ndoj haeuj ndaw fwj mbouj okdaeuj, duzroeg cix sing hep lo, lienz mbawfaex hix mbouj doengh saek di, lumj doiq gou gig saetmuengh.

Doeklaeng, lauxsae riu naeuz：“Baezneix bouxboux cungj ndaej bau gaksoembyot ndeu.”Lauxsae doq byaij roengzdaeuj fat dangz doq gangj：“Seizneix, raeuz moix aen gyadingz cungj cawx ndaej hwnj baenz loz dangz, hoeng gij eiqsei de caeuq lauxsae fat mbouj doengz, lauxsae fat dangzmizgaenq dwg doiq sou haengjdingh, dwg hawj sou gyayouz.”

Gou dingqnyi coenz vah neix, caiq yawjyawj ndaw fwngz bau gaksoembyot haenx, youh dauqcungz miz saenqsim lo. Gou giendingh dwk siengj：“Baezlaeng gij dangzmizgaenq yijvwnz、suyoz、Yinghyij, gou itdingh aeu lingx liux!”

老师分糖

上林县民族实验学校丰岭校区六（3）班 蓝金铭

有一天，老师带我们在操场上活动。活动结束后，我们回到教室，老师说要分糖给大家吃。一想到那香香甜甜的糖，我的口水都快流出来了，心里忍不住想：“我能分到多少颗呢？”

终于盼到老师开始分糖了。

第一轮，老师说：“语文月考上了90分的同学，请上来领一颗棒棒糖。”有些可惜，我就差0.7分，没能上台。看着别人开开心心地领糖，我心里有点小失落。

第二轮，老师说：“数学月考上了90分的同学，上来领一包尖角脆。”我顿时心花怒放，喜笑颜开——因为我数学正好上了90分！我赶紧冲上讲台，高高兴兴地领了一包尖角脆，心里比吃了蜜还甜。那一刻，太阳仿佛在对我微笑，小鸟也在为我喝彩，连树叶都沙沙作响，像是在为我唱歌。

第三轮，老师说：“英语月考上了90分的同学，请上来领一包尖角脆。”我一下子又惭愧起来——英语正是我的短板啊！我有些失落，三门科目只领到了一包尖角脆。这时候，感觉太阳尴尬地躲进云里不肯出来，小鸟的叫声也变得沙哑，连树叶都一动不动，好像对我失望极了。

最后，老师笑着说：“这一轮每个同学都有尖角脆！”她一边发一边对我们说：“现在，每个家庭都能买到很多棒棒糖，但老师发的糖意义不一样。它代表老师对你们的肯定，是为你们加油的！”

我听了这句话，再看看手里的糖，重新拾起了信心。我暗暗下定决心：“下次语文、数学、英语的奖励，我一定要全部拿到！”

（lauxsae son raiz: Lij Lanzyen 指导老师：李兰艳）