Gangj daengz gumzmbwn, gyoengqvunz couh swhyienz caeuq Lozyez Yen lienzhaeh hwnjdaeuj, gig noix miz vunz rox, Bingzgoj hix miz gumzmbwn.

Youq Bingzgoj Si Gojva Cin Mbanjdunghmungj Gamjgimngaenz baihlaj haenx miz song aen gumzmbwn. Aen ndeu lumj aen doengj nei, bak gumz gvangq daihgaiq 60 mij, gig laeg, lajdaej seizseiz miz raemx, coengzlaiz mbouj miz vunz ndaej roengzbae gvaq， lingh aen gumz mbiengj baihgwnz lumj aen laeuhdouj, mbiengj baihlaj lumj aen doengj, aen conghgumz neix gvangq 70 mij daengz 80 mij baedauq, laeg daihgaiq 500 mij. Donh baihlaj lumj aen doengj nei bangxhenz cungj dwg rindat; donh baihgwnz lumj aen laeuhdouj nei sam mienh dwg rindat, ngamq miz aen geuq gaeb ndeu dwg rin gyaux namh. Moix bi doeng cin song geiq, daegbied dwg mbwnrengx seizde, aen gumzmbwn neix gij raemx yaep hwnj yaep roengz, gig geizheih. Youq aen gumzmbwn neix lajdaej de yaem miz aen raengzndaem ndeu, bak gvangq 5 mij daengz 10 mij, laeg geijlai mbouj rox.