Gofaex hung ndaw hagdangz ha,

Ndwn dwk dinghsoebsoeb.

Mwngz dwg caj byawz ne?

Dwg caj rumz rubluh gij nge mwngz?

Dwg caj fwn bang mwngz dajcaemx?

Lijdwg caj geu ndit raeujrub haenx,

Ciuq rongh gij mbaw mbwncupcup mwngz?

O, gou rox lo!

Mwngz dwg caj dou roengzdangz,

Caj dou hopheux mwngz angq riu、diuq foux.

Hoeng daengz mwh laep,

Byawz buenx mwngz gvaq hwnz raezrangrang haenx ne?