Gou miz haujlai yinxdaeuz, hoeng yaek gangj yiengh lawz ceiq hawj gou dawzyinx, couh dwg gwih danci lo.

Ngoenznaengz baez cuengqhag, gou couh iu doengzdoih gwnz mbanj, daengz gvaengh dakhaeux gwih ci guhcaemz. Loekci baenqnyeunyeu yiengjsasa lumj gij yinhyoz angqyangz nei, dawz sojmiz ndangnaet duh gou cungj boenq deuz, gou angq dwk yaek mbin hwnjdaeuj lo.

Miz baez ndeu, gou cingq sij cozyez, daxmeh gaenjlili daeuj ra gou：“Vaiq, vaiq, mbouj miz gyu lo, vaiq bae cawx, gou yaek dajcawj.”Gou baez dingq，cuengq bit le buet roengz laeuz, gwih hwnj danci duh gou, riengjret daeuj daengz bouqdiemq iq, cawx gyu le, youh riengjret gwih danci ma soengq daengz fwngz daxmeh, baedauq mbouj daengz haj faencung. Daxmeh yawj gou, doeksaet dwk cam：“Mwngz rox mbin ha? Baenzneix vaiq!”Gou miznaj dwk gangj：“Daxmeh, gou dwg boux gwih danci rox mbin ha.”Daxmeh riu lo, doiq gou daengj hwnj lwgfwngzmeh. Gou hix riu lo.

Lij miz baez ndeu, mbanj dou gyoengq doengzdoih doxiu, hanh daengz couhmoz caez bae gvaengh dakhaeux doxdax gwih danci. Vihliux doxdax ndaej hingz, gou ngoenz- ngoenz lienh. Daxmeh heuh gou bae cawx doxgaiq、bae suenbyaek mbaet byaek、 bae ra dahnuengx ma ranz, gou cungj dwg gwih danci bae, cadawz sojmiz gihvei daezswng gwih ci gisuz. Gou moix ngoenz cungj lienh ndaej hanh dumz daengx ndang, hoeng hix angq dwk guh mbouj daengx. Doeklaeng daengz couhmoz le, dou hainduj doxdax, sing sauq baez yiengj, gou couh lumj caij lwnzfunghhoj, vaiq lumj rumzbongj byajraez nei mbin ok bae. Gou roxnyinh gij gofaex song mbiengj la, ranzlaeuz la, faenfaen doiqlaeng. Mbouj miz saek di loeklak, gou ndaej daih’it mingz. Doengzdoih foenfoen daengj hwnj lwgfwngzmeh, gangj：“Vunzroxmbin, vunzroxmbin, mwngz caen ak, mwngz caen mbauq.”Gou dingq le, sim’angq raixcaix，gokbak mbe daengz goekrwz.

Daj neix hwnj, gou doiq danci dawz ndaej engqgya mizyinx. Gou vanzlij sawq ndiengq gyaeujci. Aiqnaeuz miz seiz laemx caekhaex in, hoeng gou mbouj ndupdauq. Gou giensaenq sug ndaej baenz sae, cungj miz ngoenz ndeu, gij gisuz gwih ci gou, itdingh dizlienh ndaej youh ak youh ndei, ndei daengz gizliux.

骑自行车让我着迷

上林县实验学校丰岭校区六（3）班 成晋宏

我有很多兴趣爱好，但要说最让我着迷的，莫过于骑自行车了。

每天一放学，我就叫上村里的伙伴，到晒谷场骑车玩耍。车轮转动的沙沙声像轻快的音乐，带走了我所有的疲惫，我快乐得仿佛要飞起来。

记得有一次，我正在写作业，妈妈急匆匆地跑来找我：“快，快，盐用完了，快去买，我等着煮菜呢。”我一听，立刻放下笔，跑下楼，骑上我的自行车一溜烟冲到小卖部。买好盐，又一溜烟骑回来送到妈妈手上，前后不过五分钟。妈妈看着我，吃惊地问：“你会飞吗？这么快！”我自豪地说：“妈妈，我是自行车飞人呢。”妈妈笑了，对我连连竖起大拇指。我也笑了。

还有一次，我们村一帮伙伴约好周末到晒谷场比赛骑自行车。为了赢下比赛，我天天练习。妈妈叫我去买东西、去菜园摘菜、找妹妹回家，我都骑上自行车，抓住一切机会提升骑车技术。尽管我每天练得满身大汗，但却乐此不疲。终于到了周末，我们开始比赛了，哨声一响，我就像踩着风火轮般冲了出去，我感觉两旁的树木啦，楼房啦，纷纷后退，耳边只有呼呼的风声。毫无意外，我拔得头筹。伙伴们纷纷对我竖起大拇指，说:“飞人，飞人，你好酷啊，你太帅了。”我听了，心花怒放，嘴角咧到耳朵根。

从此，我对自行车着迷得一发不可收。我甚至尝试玩翘车头。虽然有时也会摔疼了屁股，但我毫不退缩。我坚信熟能生巧，总有一天，我的骑车技术一定会炉火纯青、登峰造极。

(lauxsae son raiz: Vangz Gveiyangh / 指导老师：黄桂香)