Geij bi neix doxdaeuj, Bwzswz Si Denzlinz Yen baengh “Heiqcuengh lohbaek” feihvuzciz vwnzva yizcanj gaep guekgya, doenggvaq “Heiqcuengh”, cauhlaeb yiengh vunq cienzswnj vwnzva caeuq minzcuz doxgiet boiqhab baenaj, cauhlaeb aen suenranz caezcaemh Cunghvaz Minzcuz.

“Heiqcuengh+cienzswnj”, cauhmoq aen gihci cienzswnj feihyiz, gikfat rengzhoengh seizdaih yisuz ciuhgeq. Okdaiz 《Aen Banhfap Guenjleix Ngaenzcienz Cienhangh Bangfuz Hwngfat Cienzswnj Heiqcuengh（Camhguh）》 doenghgij vwnzgen neix, laeb ngaenzcienz cienhangh bangfuz heiqduenz ndawbiengz, bangfuz 120 lai aen heiqduenz ndawbiengz, son’gyauq bouxyienj seizhoengq 4000 lai boux, guhbaenz daengx aen doxgap “bouxcienzswnj feihyiz+heiqduenz ndawbiengz”. Hwnqlaeb aen cidu cienzswnj “bohsae faek lwgsae”, hawj bouxcienzswnj feihyiz guh boux son- gyauq, bi bingzyaenz son’gyauq bouxyienj coz 100 lai vunzbaez, doenggvaq Heiqcuengh gangj aen gojgaeq gak minzcuz doxbyaij doxgyau doxyungz. Caemhseiz, cauhmoq haifat sibinz dinj、denyingj dinj Heiqcuengh doenghgij doxgaiq neix, baengh gohgi hawjrengz yisuz ciuhgeq, mboujdan ciuyinx gyoengq bouxcoz, hix hawj Heiqcuengh lai hoengh.

“Heiqcuengh+baeyouz”, cauh- laeb diuzroen vwnzva caeuq baeyouz doxhab, cuengq gij dijcienz minzcuz vwnzva okdaeuj. Laebdaeb doinyoengx ngoenzciet minzcuz baenz binjbaiz, ciet yisuz Heiqcuengh Denzlinz、“Gvangjsih Yinznanz Gveicouh sam swngj(gih) beij yienj Heiqcuengh” doenghgij saeh neix hawj aen yienh neix lai mizmingz. Lai mbe’gvangq diuzlienh sawjngaenz, doihaeuj ciet yisuz Heiqcuengh doenghgij cietheiq neix baenz canjnieb, hawj gijgwn ndei、ndangdaenj doenghgij saeh neix caez guh baenz diuz gai ndeu, hawj vunz lai bae sawjngaenz, gikfat rengzhoengh minzyingz ginghci.

“Heiqcuengh+senhconz gyauyuz”, cauh daengx aen senhconz gyauyuz lai yiengh, ung laeg gij giek leixniemh minzcuz doxgiet. Haeujlaeg guh aen gunghcwngz cienzswnj ndawhag, youq 10 aen cunghsiujyoz hai dangz Heiqcuengh, doenggvaq son’gyauq hagseng minzcuz vwnzva, hawj hagseng gyalai nyinhdoengz minzcuz vwnzva. Gapguh “aen duenz senhgyangj Heiqcuengh”, guh gij saeh “Heiqcuengh haeuj mbanj”, doeng- gvaq yienj Heiqcuengh、hwnjdangz gangj vahdeihfueng nangq daengz vunzlai 8 fanh vunzbaez, haeujyamq coihawj gak minzcuz doxgiet huzndei. Linghvaih, aen yienh neix lij doihaeuj hamj dieg doxlienz vwnzva Boux- cuengh, caeuq Yinznanz Swngj Vwnz- sanh Bouxcuengh Myauzcuz Swcicouh daengj dieg caezyungh vwnzva swhyenz, gyaak vunzlai Bouxcuengh nyinhdoengz vwnzva, hawj yisuz ndawbiengz hamj dieg doxgyau lailang, gyalai minzcuz doxgiet doxrox.

(daj 《Yougyangh Yizbau》 aeu daeuj genj hoiz Loz Yingz)