Gyoengq boux lwgnyez ngamq hag byaij loh soenjloebloeb、 siuj- hagseng aemq daehsaw bae hagdangz、 goenggeq mbouj miz heuj, baez dwen daengz faengx, bouxlawz mbouj dwg ndaw bak sikhaek mizok cungj gamjsouh rangdiemz niunaet ndeu ne!

Gou ceiq haengj yawj daxmeh suek faengx lo. De dawz haeuxcid ceh raemx guh dwk gawhbwdbwd gonq, caiq dawz nohsamcaengz ronq baenz diuz, gyaux duhdoem soiq、 duhheu caeuq lwglaeq, itheij hamh haeuj ndaw rongfaengx bae. Faengx suek ndei lo, cuengq youq ndaw rek dumq, feihhom rongfaengx youq ndaw ranz- dajcawj biu dohdaengz liux, lij gab miz heiqrang haeuxcid caeuq heiqrang noh, caen hawj vunz myaiz rihgyoeggyoeg.

Moix baez ndaw ranz suek faengx, gou cungj angq dangqmaz, youq bakcauq baenq bae baenq dauq. Hoeng daxmeh cungj gangj：“Seizneix lij caeux ne, aeu dumq seiq haj aen cungdaeuz, daengz haemh cij ndaej gwn.” Dingq gij vah neix, gou doeknaiq lo, lij aeu caj baenzneix nanz!

Mwh dumq faengx, gou yaep ndeu haeuj bakcauq bae yawj aenrek, yaep ndeu youh okbae guhcaemz.

“Meh, seizlawz ndaej gwn ne?”Gou gaenyawj aenrek dumq faengx.

Moix baez gou buet haeujdaeuj, daxmeh cungj naeuz:“Lij caeux ne, daengngoenz lij caengz roengz bya ne.”

Cien caj fanh caj, caj daengz daxmeh hai rek le.

Daxmeh yaeb aen faengx ndeu hwnjdaeuj hawj gou, gou caj mbouj gib dajhai rongfaengx, a，haeuxfaengx bienq saek heuloeg, haenx dwg gij saek rongfaengx. Faengx youzyubyub ndongqrikrik, gou haeb amq ndeu, haeuxcid youh unq youh niu、nohsamcaengz youh rang youh raeuz、 maklaeq youh mboeng youh diemz, gou gwn gi gwn guk…… Gou gwn ndaej saejndw gang liengj, lij nyaenx mbouj ndaej siengj caiq gwn aen ndeu dem.

Neix couh dwg gij faengx gou ceiq gyaez haenx. Faengx ranzmbanj gou ndeigwn lai lo!

美味粽子

上林县实验学校丰岭校区六（3）班 韦佳琪

刚刚蹒跚学步的小娃娃，背起书包上学的小学生，牙口不好的老爷爷，一提到粽子，谁不是嘴里就立刻生出一种香甜软糯的感觉呢！

看妈妈包粽子最有意思了。她先把雪白的糯米泡得胖乎乎的，再把五花肉切成条状，配上花生、绿豆和板栗这些馅料，然后一起包进碧绿的粽叶里。粽子包好后，放到锅里煮，厨房里慢慢地飘出粽叶的清香，夹杂糯米和肉的浓香，让人垂涎三尺。

每次家里包粽子，我都喜出望外，在厨房里转悠不停。然而妈妈总是说：“时候还早呢，要煮四五个小时，到晚上才能吃。”听这话，我便泄气了，还要等这么久！

在这期间，我一会儿进厨房看看，一会儿又出去玩耍。

“妈妈，什么时候才能吃啊？”我眼巴巴地望着锅里。

每次我跑进来，妈妈都说：“还早呢，太阳还没落山呢。”

等啊等，终于等到了妈妈揭开锅盖的那一刻。

妈妈提了一个粽子给我，我迫不及待扒开粽叶，啊，粽子表面变成绿色，那是粽叶的颜色。粽子油油的，亮亮的，我咬上一口，糯米的软糯、五花肉的鲜美、板栗的香甜让我欲罢不能……我吃得满嘴油光，小肚子鼓得像个小皮球，却还是忍不住想再吃一个。

这就是我最爱的粽子。我家乡的粽子，太好吃了!

（lauxsae son raiz: Mungz Cwngzgen/指导老师：蒙成建)