Gangj daengz baez ginglig doxdax dwk binghbanghgiuz haenx, gou miz di gikdoengh, hix roxnyinh miznaj.

Doiqgya duh gou dwg Siujmingz, de ndaej gvaq yozyau binghbanghgiuz doxdax daih’it mingz. Gou hix mbouj ca, hix ndaej gvaq daih’it mingz. Dou dwg ak doiq ak, song mbiengj ak doxdoengz. Baezneix gou ndaej mbouj ndaej hingz Siujmingz ne? Gou dajheiq hawj swhgeij：Simdingh bae doxdax, saw hingz cungj gojnaengz.

Doxdax lo, Siujmingz sien fat giuz. Ga gou cab ndei maxbouh, buenq maeuq ndang, da yawj ndaej caez, cimyawj fajfwngz fatgiuz Siujmingz, guh ndei dangj giuz cinjbi. Mbouj ngeix daengz Siujmingz fatgiuz youh vaiq youh baenq, gou baez dangj, giuz couh sinz deuz lo. Gojyij gangj, gou gaenbonj mbouj miz bonjsaeh dangj ndaej.

Doxlwnz fatgiuz song baez le, Siujmingz fatgiuz gou cungj dangj mbouj ndaej, seizhaenx caen miz di simgip, gwnz naj fat hoengz, najbyak biu hanh. Hoeng gou hix cugciemh lumh cinj Siujmingz baenzlawz fatgiuz lo，aenq giuz baenq gvaq mbiengj lawz, vanzlij guh ndei cinjbi dangj giuz.

Siujmingz dwk binghbanghgiuz suzdu vaiq, gou couh caeuq de dauqfanj bae guh, mbaeumbengmbeng baez dangj, giuz gvaqbae lo. Siujmingz caiq dwk giuz gvaqdaeuj, gou swnhfwngz fwd dwk gij bonjsaeh gaepgiuz gou, gen baez iet, gaep！Vaiq, haenq, cinj, gou hingz ndaej aen giuz ndeu. Simcingz gou soeng lai lo.

Couh yienghneix, dou song boux mwngz fat gou dangj, mwngz diuq gou gaep, bing daeuj ciengq dangj, raemx daeuj namh moek, raen ciu cek ciu, yawj gihvei guh bienqvaq. Dou dwk ndaej nanz faen saw hingz. Mbouj rox seizlawz, seiq henz dou gaenq miz haujlai doengzhag humx gvaqdaeuj yawj，humx dwk ndaw sam caengz rog sam caengz, mbouj doeng heiq.

Ginggvaq haenqrengz doxdax, gou gingqyienz hingz Siujmingz lo. Siujmingz gwnz gyaeuj hanh laeriri, cix mbouj lumz daengj fwngzmeh haenh gou：“Mwngz caen ak! Gou fug saw.” Gou lienzmuengz dap:“Docih mwngz nyiengh gou.”

“Ba ba ba……”Sing bekfwngz yiengj hwnjdaeuj lo.

Seizneix, gou gamjdaengz, mbwn daegbied lamz, rumz daegbied sangj, hahaha……

记一次乒乓球比赛

上林县实验学校丰岭校区六（3）班 蓝金铭

说起那次乒乓球比赛的经历，我有点激动，也有点自豪。

我的对手是小明，他曾获得学校乒乓球比赛冠军。我也不赖，也获得过第一名。我俩是棋逢对手，势均力敌。这次我能不能打赢小明呢？我鼓励自己：沉着比赛，一切皆有可能。

比赛开始，小明先发球。我扎好马步，半蹲身体，目光如炬，盯着小明的发球手，做好挡球准备。没想到小明发的球又快又转，我一挡，球就飞了。可以说，我根本没有招架之力。

经过两轮换发球，小明发的球我都挡不住，那时真有些着急，小脸通红，额头冒汗。但是我也逐渐摸清了小明发球的手法，估计球运转的方向，并做好了挡球准备。

小明打球速度快，我就反其道而行之，轻轻一挡，球过去了。小明再把球打过来，我趁机发挥我的扣球优势，手臂一拉，扣！快，狠，准，我赢了一个球。我的心情舒缓了许多。

就这样，我们两个你发我接，你推我挡，你吊我扣，兵来将挡，水来土掩，见招拆招，随机应变。我们打得难分胜负。而不知什么时候，围观的同学已把我们围得里三层外三层，水泄不通了。

经过激烈角逐，我竟然赢了。小明满头大汗，却不忘给我竖起大拇指：“厉害，甘拜下风。”我赶忙回话：“谢谢承让。”

“啪啪啪……”掌声响起来了。

此时，我感到，天格外蓝，风格外爽，哈哈哈……

(lauxsae son raiz:Lij Lanzyen

指导老师：李兰艳)