Muengh ha muengh, “sam nyied sam Gvangjsih” daengz lo, gou sim- angq raixcaix.

“Sam nyied sam”ngoenzneix, hagdangz dou guh haujlai hozdung angqhoh, miz biujyienj eu fwen、 dwkdom、sam vunz haizgieg beij vaiq、 diuq faexsaux…… Hozdung youh ndei youh lai, mbouj ndaej geq okdaeuj baenzlai. Daihgya caeuxcaeux daeuj daengz hagdangz, gwnz cauhcangz gaenq vunz lai vunz daih, guh dwk ningcumcum. Daihgya daenj gak saek buh moq Bouxcuengh, couh lumj mbungqmbaj youq gwnz cauhcangz mbinfwfw, nauhyied raixcaix.

Sien dwg biujyienj eu fwen. Gak ban cungj ok daiz biujyienj, singfwen goksadsad, lienz duzroeg gwnz mbwn cungj dingz roengzdaeuj dingq dou eu fwen ne.

Ciep dwk guh dwkdom、haizgieg beij vaiq daengj hozdung, gwnz cauhcangz gij sing bekfwngz、 sing riu、sing hemq mbouj dingz mbouj duenh, couh lumj aen haij vaiqlag ndeu.

Doeklaeng lwnz daengz doxdax diuq faexsaux lo. Gou caeuq ndaw ban cib geij boux doengzhag camgya doxdax, gou youh angq youh miz di gaenjcieng. Gou raen doengzhag ban wnq mbouj gaenj mbouj lau dwk diuq haeuj geh faexsaux bae, boux daj faexsaux caeuq boux diuq faexsaux boiqhab ndaej doxngamj dangqmaz, sing bekfwngz baenz raq baenz raq yiengj hwnjdaeuj. Sim gou diuqbubbub, gou gag naeuz, aeu diuq ndei, mbouj ndaej guh loek.

Ban dou hwnj ciengz lo, dou bet daeg doengzhag daj faexsaux, cib dah doengzhag gaen gij cezcou faexsaux haihai habhab diuq haeuj geh faexsaux bae, dou doq diuq doq foux, yienghceij gyaeu, ndang mbaeu, lumj mbungqmbaj mbin, lumj roegenq diuq, youh lumj fwensien Liuz Sanhcej roengz lajbiengz, nyex dwk gyoengq- vunz yawj le gen hwnj ga hwnj, caeuq dou caez ciengq caez diuq, daengx ciengz nauhyied dangqmaz.

Mbouj yungh gangj, cezmuz dou ndaej mingz daih’it, dou angq raixcaix.

“Sam nyied sam Gvangjsih”，dou ngoenzhaenx caen angqyangz ha.

快乐“三月三”

上林县民族实验学校丰岭校区六（3）班 韦佳琪

盼望着，盼望着，“广西三月三”来到了，我高兴得心花怒放。

“三月三”这天，我们学校开展了许多庆祝活动，有唱山歌、抛绣球、三人板鞋竞速、跳竹竿……项目丰富，不胜枚举。当天，大家一大早就来到学校，操场上早已人山人海，人声鼎沸。同学们穿着各色壮族服装，宛如彩蝶在操场上飞舞，场面热闹非凡。

第一项活动是山歌表演唱。各班轮番表演，山歌飞扬，连天空飞过的小鸟都停下来听我们唱山歌呢。

接着开展抛绣球、板鞋竞速等活动，操场上掌声、笑声、欢呼声此起彼伏，宛如一片欢乐的海洋。

终于轮到跳竹竿比赛了。我和班里十多个同学参加比赛，我既兴奋又有些紧张。我看见别的班级选手从容不迫地在两条竹竿滑动相撞的空隙中跳动，打竹竿和跳竹竿的配合默契，赢得了阵阵掌声。我的心里砰砰直跳，我告诉自己要跳好节奏，不能出差错。

我们班上场了，八个男同学打竹竿，十个女同学随着竹竿开开合合的节奏跳动。我们一边跳跃一边舞蹈，姿势优美，体态轻盈，像蝴蝶在飞舞，像燕子在跳跃，又像歌仙刘三姐下凡，惹得观众欢呼雀跃，和我们一起载歌载舞，整个场面一片沸腾。

不用说，我们的节目得了第一名，我别提有多高兴了！

“广西三月三”，我们度过了快乐的一天。

（lauxsae son raiz:Mungz Cwngzgen 指导老师：蒙成建）