Ndaw rungj daiq raeujrubrub

Mwh gou daejfwdfwd

De couh umj gou

Seizneix gou hix umj dahnuengx

Dawz gij raeujrub rungj daiq soengq hawj nuengx

Daiq lij daiq gou bae yawj va

Dou yawj vadauz、valeiz、vamoiz

Yawj gij va gyaeundei lailai

Youq ndaw suenva gyaeundei haenx

Gou couh lumj ndup youq ndaw rungj raeujrub daiq

Daiq gvaqciuh lo

Bienqbaenz ndaundeiq gwnz mbwn

Ngoenzhaenx fwndoek lo

Rwed gij va ndaw suenva

Cix mbouj rwed rungj raeujrub daiq ndaw sim gou