Bouxlawz cungj miz baez daih’it nanzlumz：Baez daih’it cawj haeux dinfwngz bamzbwdbwd, baez daih’it swiq vanj siujsim sisi，baez daih’it deng bohmeh ndaq vaetheiq dangqmaz…… Cix baez daih’it gou ceiq nanzlumz haenx, dwg gou baez daih’it hwnjdaiz yenjgyangj.

Haenx dwg ngoenz singhgiz ngux banringz gvaq ndeu, lauxsae sawqmwh naeuz:“Gyoengq doengzhag, gou hawj daihgya cib faen cung seizgan caepcawq, gvaq cib faen cung le, gou hawj gyoengqsou lumj ‘baiz hojceh’ nei hwnjdaiz daeuj yenjgyangj, cawjdaez dwg ‘insik haeuxliengz’ .”

Baez dingqnyi coenz vah neix, mbangj doengzhag vid din vid fwngz, simgaenj yaek sawqsawq; mbangj boux simyou najsaep, siengj mbouj ok baenzlawz yenjgyangj. Gou couh dwg cungj vunz simyou najsaep haenx. Aenvih mbouj guenj gou baenzlawz gyaet uk gyaet ngviz, siengj bae naemj dauq, cungj siengj mbouj ok yenjgyangj yaek gangj gijmaz. Neix dwg gou baez daih’it hwnjdaiz yenjgyangj ha.

Cib faen cung vaiqvet gvaqbae lo. Boux doengzhag hauh daih’it hwnj- daiz gonq. Cij raen de lwgda dingh’onj, yaem cinj sing gok, rengzrwdrwd dwk lwnhgangj, bak de caen lumj hai ok va’ngaeux nei. Lauxsae dingq le lienzlienz ngaekgyaeuj, naeuz ndaej doenggvaq lo. Lwnz daengz boux doengzhag baihlaeng, de baez gangj, sang daemq dingzdaenh, bak raeuz dangqmaz, daj goek daengz byai gangjladlad, vaiqvut couh gangj sat lo, hix ndaej lauxsae haengjdingh.

Moix boux doengzhag cungj doenggvaq, hawj gou atlig gig hung. Gou simgip lumj feiz coemh, lumj ngeihcib haj duz nou youq bakaek vaz sim gou, youh lumj duzmoed ndaw rek ndat gip dwk baenqlulu. Gou yaek baenzlawz guh ne？Gou lij caengz naemj ndei ha！

Doeklaeng, vanzlij lwnz daengz gou lo. Gou mbwtmbwt mbwjmbwj, ndaw uk cungj hoengqhanghang, gangj mbouj baenz coenz, nyex ndaej daengx ban doengzhag riuhaha. Naj gou fwt hoengz daengz goekrwz. Gou najmong dangqmaz, gig maqmuengh miz congh ndeu hawj gou ndonj haeujbae.

Gou naiqnueknuek, doekdin naiqhengh, roxnyinh dujva cungj ngaem gyaeuj lo, duzroeg heuhcaca, hix lumj riu gou nei, gofaex iq bonjlaiz mbaw heuswdswd, seizneix cix lumj henj reuq nei.

Neix couh dwg gij ginggvaq gou baez daih’it hwnjdaiz yenjgyangj, caen najmong ha!

第一次上台演讲

上林县实验学校丰岭校区六（3）班 成晋宏

每个人都有难忘的第一次：第一次做饭的笨拙，第一次洗碗的小心翼翼，第一次被父母责骂的委屈……而让我记忆最深刻的，是第一次上台演讲的经历。

那是一个星期五下午，老师突然宣布：“同学们，我给你们十分钟时间做准备，十分钟后，我要让你们‘排火车’式地上台演讲，主题是‘珍惜粮食’。”

当听到这句话时，有的同学摩拳擦掌，跃跃欲试；有的则愁眉苦脸，不知所措。我属于后者，因为不管我如何绞尽脑汁，搜肠刮肚，也想不出要演讲的内容。这是我第一次演讲啊。

十分钟很快就过去了。第一号同学先上台。只见他眼神坚定，字正腔圆，铿锵有力地讲着，简直是口吐莲花。老师听了连连点头，表示通过。轮到下一个同学，他说起话来抑扬顿挫，整个过程行云流水，一气呵成，很快就讲完了，同样得到老师的肯定。

每个同学的通过，对我都造成很大的压力。我心急如焚，犹如二十五只老鼠在胸口百爪挠心，又如热锅上的蚂蚁急得团团转。我该怎么办呢？我连腹稿都没打好啊!

最终，还是轮到了我。我吞吞吐吐，脑子里一片空白，说不出一句话，惹得全班同学哄堂大笑。我的脸“刷”地一下红到了耳根。我羞愧至极，恨不得有个地洞给我钻进去。

我垂头丧气，感觉花儿都垂下了头，小鸟叽叽喳喳，仿佛也在讥笑我，小树原是绿绿葱葱的，现在却显得黯淡无光。

这就是我第一次上台演讲的经历，真是尴尬啊！

（lauxsae son raiz: Vangz Gveiyangh / 指导老师:黄桂香)