8 nyied 1 hauh, Cunghgoz Minzcuz Yijvwnz Fanhyiz Cungh- sinh(Giz) youq Nanzningz guh Aen Hoih Canghfanhoiz Saemjdingh Swz Moq Sawcuengh Bi 2025. Hainduj haihoih, Cunghgoz Minzcuz Yijvwnz Fanhyiz Cunghsinh(Giz) cungj- gvaigiswh Yinz Dauh gangjvah, 30 lai boux canghfanhoiz Sawcuengh daj Baekging、Gvangjsih doengh gij dieg neix daeuj haenx camgya haihoih. Baez hoih neix comz saemjdingh gij swz moq neix, dwg ndaw hong fanhoiz vwnzgen daengx guek songhoih、Aen Hoih Hong Ginghci Cunghyangh、dangjcwng vwnzyen、faplwd fapgvi youqgaenj bungz gvaq de, cujyau saemjdingh gyoengqde baenzlawz hoiz baenz Sawcuengh, gungh 182 diuz.

Aen hoih daegbied gangj daengz, guh gveihfan swz moq dwg aen hong giekdaej ndaw hong sawvah minzcuz ndeu, gvendaengz hag yungh deng saw vah minzcuz, gvendaengz vunzlai minzcuz vunznoix roxyiuj caeuq gaemdawz lohsienq fuengcim cwngcwz dangj、faplwd fapgvi guekgya，dwg gizdieg minzcuz cwngci、ginghci、ndawbiengz、vwnzva、gyauyuz hwngfat aeuyungh. Guh ndei aen hong neix youqgaenj raixcaix, mbaqrap naekcaem、dangrap miznaj.

Aen hoih iugouz, aeu lai hag rox gij swhsiengj youqgaenj gyaak caeuq gaijndei hong minzcuz Siz Ginbingz cungjsuhgi, gagrox couqmaenh gij eiqsik Cunghvaz Minzcuz ranz vunz ndeu, lai yungh ndei fanhoiz diuz sai neix, haenqrengz bae fugsaeh ndei hong minzcuz dangj caeuq guekgya, roengzrengz bae guh cingsaenz canghlig, guh baenz hong saemjdingh swz ndei saed bae.

（daj Cunghgoz Minzcuz Yijvwnz Fanhyiz Cunghsinh(Giz) Veizsin Gungcungqhauh aeu daeuj genj hoiz）