Gou cam godaengngoenz:

Mwngz majhung le siengj guh gijmaz?

Godaengngoenz naeuz:

Gou siengj guh aen daengngoenz ronghlwenq,

Hawj lajbiengz vaiqvued raeujrub.

Gou cam bingzgoj:

Mwngz majhung le siengj guh gijmaz?

Bingzgoj naeuz:

Gou siengj guh aen daengloengz hoengz lajroq,

Buenx ranz youh ranz vunz angqyangz doxcomz.

Gou cam lwggyoij:

Mwngz majhung le siengj guh gijmaz?

Lwggyoij naeuz:

Gou siengj guh aen ronghndwen luenzlulu,

Hawj boux youq rog youz rox roen ma ranz.