Mwngz yawjraen seizcin lwi?

De youq ndaw fwnmoenq ninz gyaenfefe.

Mwh fwncin cup daihdeih,

Seizcin couh ndiu lo.

Mwngz yawjraen seizcin lwi?

De youq gwnz nyod’oiq ndwjda moenghmangh,

Iet mbat nonx ndeu, aj mbat rumz ndeu,

Couh hwnq mbonq lo.

Mwngz yawjraen seizcin lwi?

De youq ndaw mbawliux yietbag dinghsoeb.

Mwh rumz iq rubluh nyeliux,

De couh caeuq rumz itheij fouxyegyeg.

Mwngz yawjraen seizcin lwi?

Gou yawjraen seizcin lo,

Seizcin couh youq henz ndang dou.