2025 “mboengq yienjok heiq Cungguek” nem yiengh- saeh baenzroix yienj heiq Cungguek 12 hauh banhaemh youq Audili soujduh Veizyejnaz haiciengz. Heiqgvangjsih 《Najvunz Vadauz》 Gvangjsih Bouxcuengh Swcigih daiq daeuj haenx youq Veizyejnaz Mudwz Giyen yienj, yienj ciengz heiq miz vwnzva daegsaek baihdoeng ndeu hawj bouxyawj.

《Najvunz Vadauz》baez neix yienj, lwnhgangj le gij cingz doxgyaez hawj vunz gamjdoengh boux doegsaw daihgeq caeuq dahsau Du Yizcunh. Ndaw heiq “raiz sei gwnz dou”“hoenz dauq ndoengdauz” doenghgij ciengz- gingj neix, aeu gij eiqgingq seiswz daihgeq cienjvaq baenz heiq yienj okdaeuj. Mwh yienj sat, daengx ciengz dopfwngz huhu.

Haujlai bouxyawj guek rog naeuz, caenhguenj vah mbouj doengz, hoeng yawj bouxyienj din fwngz yienj okdaeuj caeuq ciengq go, gyoengqde hix yinx ciengz heiq neix, deng gij gojgaeq doxgyaez baihdoeng neix gamjdoengh laeglaeg bae.

Gvangjsih Bouxcuengh Swcigih lij yaek bae Yidali Gwzleizmoznaz yienj 《Najvunz Vadauz》.

Baez yienghsaeh neix dwg Cungguek Gohgi Yenzgiuvei caeuq（Ouhcouh） Gozci Vwnzva Gyauhliuz Hozcoz Hezvei cawjbanh, Vwnzva Caeuq Lijyouz Bu Yisuz Fazcanj Cunghsinh ciepbanh, yaek youq 2025 nienz yienj Gunhgiz、Geiqgvangjdungh、Cinzgyangh、Heiqgvangjsih daengj bet yiengh heiq hawj bouxyawj yawj.

（daj Sinhvazvangj aeu daeuj genj hoiz Mung Fanzyij Yiz Dauh）