6 nyied 18 hauh, “Yenz Vei fungvaz —— aen langhbaij gepgoemjyaenq ginhsiz gij ndaejgeiq Cunghvaz Minzcuz ranz vunz ndeu ndaw ringaek Bwzcauz” youq Nanzningz Suhvayen guh. Aen langhbaij youz Nanzningz Minzcunghveij、 Nanzningz Vwnzlenz、 Gvangjsih Suhfaz Hezvei、 Gvangjsih Ginhsiz Yenzgiuvei daengj danhvei lienzhab guh. Mbat langhbaij neix gungh baij ok 70 lai gienh gepgoemjyaenq ginhsiz dijbauj, laebdaeb langhbaij daengz 7 nyied daej, bouxyawj ndaej doenggvaq gepgoemjyaenq ginhsiz rox gij lizcwngz Cunghvaz Minzcuz cauxbaenz hwngfat hungloet de, gamjsouh gij vwnzva neihanz laegna ringaek Bwzcauz, gamjsouh gij yinxdaeuz Cunghvaz vwnzva.（Cangh Sinhyiz/张新怡 Vangz Saili/黄赛利）