Rumzdah boq cien bi,

Gij ngaeuz mwngz cungj youq doiqnaj gou baedauq,

Mauh sang sai gvangq,

Rumz daengz buh mbin,

Cungj muenz mbouj ndaej gij nyapnyuk ndawsim mwngz.

Souj sei 《Lizsauh》coenzcoenz lae baenz raemxdalwed,

Doeknaiq youq ndawsim,

Miz naemj guh mbouj baenz,

Mwngz cungj maqmuengh hawj vunz gvaq ndaej ndei,

Hoeng fouznaih caenzrwix guh vaih.

Mwngz haemq dien haemq deih,

Cam beksingq haemzhoj,

Hoeng dapanq youq giz laep giz laeg,

Lajmbwn cungj dwg raemx noengz,

Lw mwngz boux ndeu ndang saw sim cingx.

Cingsingj, dauqfanj sim naek uk fanz,

Raemxdah Miloz lae mbouj dingz,

Hix mbouj daiq gij ienqmingh mwngz bae,

Mwngz yoengq roengz Dahmiloz bae,

Gvej goenq aencaeuz byotbyat,

Aeu mingh bae cwngmingz gij cingbeg mwngz.

Ruzlungz youq ndaw dah doxdax,

Haeuxfaengx sam gaeu ndek bae ndaw dah,

Dwg ciuhlaeng doiq mwngz siengjniemh,

Gij cingsaenz mwngz,

Lumj aen daeng rongh coh dou,

Ga dah ciuhgeq caiq mbouj laep.