Bonjbau siusik （gicej Vangz Yinz） Ngoenzgyaj “haj it”, youq Liujcouh Gauhsuz Gvaq Gyaiq Goengloh (duenh Lozcwngz ginggvaq Liujcwngz daengz Luzcai) Binjsuij 1 Hauh Daihgiuz haigoeng yienhciengz, gyoengq bouxguhhong guhhong naemqdikdik. Ciuq cam rox, aen hanghmoeg neix youq ndaw gyaiq Liujcouh Si, lohsienq raez 97.497 goengleix. Hanghmoeg ginggvaq Hozciz Si Lozcwngz Mulaujcuz Swciyen、 Liujcouh Si Liujcwngz Yen caeuq Luzcai Yen. Hanghmoeg guh baenz le, yaek lienzciep Cenznanz Gauhsuz、 Sanhbwz Gauhsuz caeuq diuz gauhsuz Gveilinz Lungzswng (Gveicouh Gvangjsih gyaiq) daengz Dungcungh cingq gveihva haenx.