4 nyied 25 hauh daengz 26 hauh, Guekgya Minzveij youq Yinznanz Dwngzcungh hai Aen Hoih Yienhciengz Aen Hengzdoengh Hwng Bien Fouqminz, Guekgya Minzveij cujyin Banh Yoz camgya haihoih caemhcaiq gangjvah, Yinznanz Swngjveij suhgi Vangz Ningz camgya haihoih caemhcaiq gangjvah.

Banh yoz ceijok, Cibbet Daih Dangj doxdaeuj, Dangjcunghyangh aeu Siz Ginbingz dungzci guh goek baij gyaak ceihleix bien’gyaiq youq diegvih engq yienhda, guh’ok baenz- roix lwnhduenq youqgaenj caeuq anbaiz baijbouh hungnaek, doinyoengx aen hengzdoengh hwng bien fouq minz seizdaih moq aeundaej cingzcik ronghsag. Dieg bien’gyaiq ginghci cungjliengh yat hwnj mbaek moq, aen gapgyaq canjnieb gaij ndei swnggaep, bien’gyaiq haifat hai- cuengq suijbingz onjyamq lai sang, yienghsiengq singzmbanj bienqvaq hungloet, gak cuz bouxmiz gwndaenj lai ndei, gij eiqsik Cunghvaz Minzcuz ranz vunz ndeu mboujduenh couqmaenh, yienh ok yiengh buenz ndei “dangj ciuq rongh bien’gyaiq, sim bouxminz bien’gyaiq coh dangj”.

Banh Yoz daegbied gangj daengz, aeu haeujlaeg doekguh aen swhsiengj youqgaenj gyaak caeuq gaijndei hong minzcuz nem gij cingsaenz lwnhgangj youqgaenj ceihleix bien’gyaiq Siz Ginbingz cungjsuhgi, aeu doihaeuj hwnqguh Cunghvaz Minzcuz ranz vunz ndeu guh sienqmeh ronghsien, dawzmaenh caezhoz couqmaenh bien- gyaiq、 canjnieb hwng bien’gyaiq、vwnzva nyinh bien’gyaiq、 gij gwndaenj leih bien’gyaiq、doxsaeb cungsaed bien’gyaiq、 haicuengq hoengh bien’gyaiq、maenh guekfuengz ak bien’gyaiq、dox boiqhab hwnq bien’gyaiq, doinyoengx aen hengz- doengh hwng bien fouq minz seizdaih moq ciuq yiengh ceiq ndei bae guh. Aeu laebndei aen gihci ciengzgeiz、aen gihci bingzgyaq、aen gihci doekguh, guh saed guh saeq hong couqmaenh gij eiqsik Cunghvaz Minzcuz ranz vunz ndeu. Gyavaiq diuzcingj aen gapgyaq canjnieb dieg bien’gyaiq, haeujlaeg doihaeuj aen hengzdoengh “minzyingz giyez haeuj bien’gyaiq”, hawj dieg bien’gyaiq gaijgwz hwngfat miz “sam aen yiyi”. Gyaak lwnhgangj yenzgiu ceihleix bien’gyaiq, doigvangq cienz- doh saw vah guekgya doeng’yungh liuxliux, gangj ndei gij gojgaeq Cunghvaz Minzcuz ranz vunz ndeu. Hopheux gijgwn gijdaenj gijyungh bouxminz gyaak cwngcwz fuzrex, haeujcoengh bien’gyaiq hwnqguh aen hawsingz cungsim caeuq aenmbanj. Gyavaiq cauhlaeb segih yiengh doxsaed, haeujlaeg coihaeuj gak minzcuz doxcunz doxgyau doxyungz “sam hangh dajveh” caeuq cauhlaeb minzcuz doxgiet baenaj. Dazyinx haeujcoengh dieg bien’gyaiq dajcauh aen bingzdaiz haicuengq maenhndei, gyaak hamjguek doxgyau doxgap, bangrengz hwnqguh henzgyawj minghyinh caezcaemh. Gyaak baihdingj dajveh caeuq caezcaemh couzveh boiqhab, comz rengz hung bae doihaeuj aen hengzdoengh hwng bien fouq minz seizdaih moq.

Vangz Ningz naeuz, Yinznanz haeujlaeg doekguh gij cingsaenz cijsi youqgaenj caeuq gangjvah youqgaenj mwh Siz Ginbingz cungjsuhgi gaujcaz Yinznanz, hopheux couqmaenh gij eiqsik Cunghvaz Minzcuz ranz vunz ndeu, gaemndaet “aen bonghhamj ndeu”“sam aen dinghvih”“cauh guh buenz moq”， haeujlaeg doihaeuj hwnqguh dieg guhyiengh minzcuz doxgiet baenaj guek raeuz, haenqrengz guh aen hengzdoengh hwng bien fouq minz, gyavaiq dieg bien’gyaiq yamqdin doxbae, doihaeuj hwnqguh diegsuen canjnieb bien’gyaiq, cauhmoq hwnqguh aen mbanj vuenyungz bien’gyaiq, dazyinx gak cuz vunzlai dingq dangj gangj、gyo- mbaiq dangj、riengz dangj byaij, guhbaenz aen buenz ndei bouxminz bien’gyaiq miz、dieg bien’gyaiq gyaeu、bien’gyaiq onj、bien’gyaiq maenh. Aeu haeujlaeg doihaeuj aen hengzdoengh hwng bien fouq minz seizdaih moq, dajcauh swnggaep aen mbanj vuenyungz bien’gyaiq, coi- haeuj bien’gyaiq mbanj、cin、singz caeuq goujan、diegsuen dox boiqhab hwngfat， hawj dieg bien’gyaiq canjnieb caeuq gyaeujvunz gietcomz engq ndei, hwnqguh ndei aen suenranz gyaeundei、henhoh ndei minzcuz doxgiet、hensouj ndei diegguek.

(daj Guekgya Minzveij

Vangj aeu daeuj genj hoiz)