Ngoenz gwn geij donq laeuj,

Ngaem gyaeuj caiq laep da;

Song fwngz oet ngamzga,

Yaek dai ma lele.

Gaen laeuj sam maenz haj,

Ngah hix mbouj gwn lai;

Gwn liux hoemj henz daiz,

Vaih baiz mingz lwgyah.

Gwn daengz mbouj ndaej sangj,

Hawj vunz ram ok dou;

Ninz gwnznamh lumj mou,

Vunz aeu guh goj lwnh.

Mbouj ndaej couh mbouj gwn,

Hawj lwg vunz sinhoj;

Gwn liux ram youh oq（aemq）,

Sinhoj vunz mbouj noih.

Ram hwnj cisamloek,

Boek bae caiq boek dauq;

Gwn geij gaen laeuj byauq,

Mbouj ndaej dauq daengz ranz.