3 nyied 29 hauh daengz 4 nyied 6 hauh, ciet baeyouz minzsuz vwnzva Baeuqroxdoh Bwzswz Si youq Bwzswz Si Denzyangz Gih guh, haujlai bouxhek caeuq vunz bonjdieg daeuj doxcomz, yawj gij fungsug daegbied gagmiz Mbanjcuengh.

Baez ciet neix cawjdaez dwg “doxcomz goekdaeuz vwnzva Baeuqroxdoh, caez hoh sam nyied sam Denzyangz Gvangjsih”, gya- haeuj feihyiz、doxbeij dinfwngz、gijgwn ndei doengh gij neix, laeb aen daizheiq hawj minzcuz vwnzva caeuq ciuzlouz daihneix doxcomz.

Mboengq guh saeh, ciuhgeq caeuq daihneix doxdaemj ok gijndei daegbied. Mwh guh hoih dongfeiz, fwen Bouxcuengh caeuq Dizswhgoh caemh foux; mwh guh ciet ciengqgo laeujbizciuj bingj doxgaiq, doih ciengqgo ciuzlouz dap gijgwn ndei miz daegsaek Denzyangz, hawj byailinx caeuq da rwz cungj gvaqyinx liux; haemh yienjheiq “haemh Baeuqroxdoh” goengbouh AI coenghrengz vwnzva, aeu minzsuz ciuhgeq caeuq gohgi daihneix doxyungz, bouxyawj yawj dingq gvaqyinx lai.

Linghvaih, Denzyangz Gih lij guh yienghsaeh gaiqcawx hawj leih hawj cienz dem, haw feihyiz baij gijgwn ndei caeuq huq fwngz guh lailang, laebnda seiz biujyienj miz daegsaek caeuq doxdoeng doxgangj, coenghrengz deihfueng vwnzva swnjcienz caeuq ginghci hwngfat hoenghhwd.

(Cinz Veifungh Couh Gyahgungj)