Seizcin dienheiq raeuj,

Bakva ciengj daeuj hai.

Vamaenj hau baenz faiq,

Yawj bae gyaeu raixcaix.

Seizhah ciengz fwn raq，

Doenghgo maj hoenghhwd .

Yiuq bae heuswdswd，

Lengj lwgda dangqmaz.

Seizcou mak hwnj gai，

Dauqcawq baij rimrwd.

Aen’aen henjrwgrwg，

Rang dwk ndaeng yaek vingq.

Seizdoeng henzhamq dah，

Doenghnaz gvangq dangqmaz .

Haujlai vaiz caeuq max,

Cingq doxdax gwn nywj.

Seiqgeiq mbanjranz gou，

Gyaeu lumj fuk dozveh.

Mboujlwnh coz naeuz geq,

Bouxboux haenh de ndei.