Seizcou dwg aen geiqciet gyaeundei ndeu, hix dwg aen geiqciet souhaeuj ndeu. Rumzcou baez ci, mbawfaex hainduj bienq henj, aenmak baenz lo, gou couh rox seizcou daengz lo.

Gyangmbwn seizcou daegbied sang, daegbied lamz, dujfwj youq gyangmbwn youzlangh, lumj baenz gyoengq baenz bang yiengz cwxcaih dwk gwn nywj, couh lumj fuk veh gyaeundei ndeu.

Rumz seizcou cififi, unqnemnem, ndaw rumz lij miz heiqhom aenmak caeuq va nywj, de ci daengz gwnznaj, hawj vunz roxnyinh daegbied sangj.

Ndaw doenghnaz seizcou, gohaeux henjrwgrwg, lumj aen haij saekgim nei, bohlungz guhnaz cingq nyaengq bae gvej haeux, gwnznaj gyoengqde cungj dwg gij angqyangz ndaej fungcou.

Ndaw suenmak seizcou, makbingz- goj hoengzoo, makleiz henjrwgrwg, makit gyaemqgwdgwd, gyoengqde mwngz caenx gou, gou daemj mwngz, cungj caj gyoengqvunz bae mbaet ne!

Byaij youq gwnz roen seizcou, gou rox gip aeu baenz mbaw baenz mbaw mbawfaex, dawz gyoengqde geb youq ndaw saw, dangguh geiqniemh seizcou. Gou lij ndaej caeuq doengzdoih youq ndaw doenghnaz caez buetbongh、caez guh’angq、caez yiengjsouh gij vaiqlag seizcou.

Gou gyaez seizcou lai saek lai yiengh、gingjsaek maez vunz de.

美丽的秋天

秋天是一个美丽的季节，也是一个收获的季节。当秋风拂过，树叶开始变黄，果实成熟了，我就知道，秋天来了。

秋天的天空，特别高，特别蓝，云朵在空中飘荡，像一群群绵羊在悠闲地吃草，构成了一幅美丽的画卷。

秋天的风，轻轻的，柔柔的，还带着果实的香味和花草的芬芳，吹在脸上，让人感觉特别舒服。

秋天的田野，稻谷金黄金黄的，像一片片金色的海洋。农民伯伯正忙着收割，他们的脸上洋溢着丰收的喜悦。

秋天的果园里，苹果红彤彤的，梨子黄澄澄的，葡萄紫莹莹的，它们你挤我碰，仿佛在等着人们去采摘。

走在秋天的路上，我会捡起一片片落叶，把它们夹在书本里，当作秋天的纪念。我还会和小伙伴们一起在田野里奔跑、嬉戏，享受秋天的快乐。

我爱这绚丽多彩、景色迷人的秋天。

（lauxsae son raiz: Lij Yungzlingz Cinz Fuzgiz / 指导老师： 李容玲 覃福奇）