Mboengqneix, Gvangjsih Dayoz Yinzgungh Cinwngz Yozyen biengjbaiz laebbaenz.

Aen yozyen neix cujyau miz cinwngz gohyoz caeuq gisuz、gisongih gohyoz caeuq gisuz、saenqsik caeuq doengsaenq gunghcwngz sam aen cujyau yenzgiu fuengyiengq, daegsaek dwg baengh lai aen yozgoh doxgap yungzhab, ciuq aen moegbiu hwnqguh “sam dieggiek aen cungsim ndeu”，couh dwg aen dieggiek yenzgiu cauhmoq dajcauh “yinzgungh cinwngz+”、aen dieggiek guhyiengh gungganq vunzcaiz yozgoh laegdaeuq doxgap yungzhab、aen dieggiek cienjvaq yinzgungh cinwngz canjnieb gohgi cwngzgoj dieg saenamz caeuq aen cungsim doxgyau yinzgungh cinwngz Cungguek—Dunghmungz， gaenjndaet doiqciep guekgya caeuq gizdieg yinzgungh cinwngz hwngfat canloz， cienzmienh dungjcouz gij swhyenz caeuq rengz ndei ndaw hag rog hag、hamj yozgoh、hamj gizdieg、hamj bouhmonz， coenghrengz Gvangjsih caeuq guekgya yinzgungh cinwngz canjnieb cauhmoq hwngfat, doinyoengx gizdieg ginghci hwngfat ndei saed.

Ciuq cam rox, Gvangjsih Dayoz Yinzgungh Cinwngz Yozyen bwnjgoh ciennieb yaek youq bineix 9 nyied baez nduj ciu hagseng.(Guj Singjhangz)