2 nyied 27 hauh, Cungguek Sozlungz—Yeznanz Lijbanj song mbiengj goujan haidoeng yizsiz youq Cungguek Sozlungz—Yeznanz Lijbanj Goujan dieg lingz goeng- leix(846-847 hauh gyaiqbaiz) banh, neix dwg naeuz Sozlungz Goujan gya- gvangq haicuengq aeundaej itdingh cingzcik, Gvangjsih bien’gyaiq 3 si 8 yienh(gih) saedyienh “yienhyienh doeng goujan”.

“Mbaw benhminzcwng neix dauqdaej ndaej lai miz yungh lo！”2 nyied 27 hauh, Dasinh Yen Sozlungz Cin Nendenj Cunh cihsuh、cunhveij cujyin Cau Yozbyauh yaengx mbaw cingq ndaw fwngz okdaeuj naeuz, de miz caencik youq Yeznanz Gauhbingz Swngj Yalangz Yen, gvaqlaeng daj neix okguek bae cunz caencik lai bienhleih. Ciuq cam rox, Sozlungz Goengloh Goujan youq Gvangjsih Cungzcoj Si Dasinh Yen Sozlungz Cin, 2022 nienz 4 nyied ginggvaq Gozvuyen baefuk baenz aen goujan gozci caemhcaiq gya’gvangq haicuengq daengz diuzroen Nganz- ying, ndawde diuzroen Sozlungz dwg diuzroen vunz caeuq ciyinhhek gvaq, diuzroen Nganzying dwg cihuq caeuq ciyinhhuq gvaq. Aenvih mbiengj Yeznanz caengz guhsat soujsuz swnggek goujan baenz goujan gozci caeuq gya’gvangq haicuengq, baez neix haidoeng diuzroen Cungguek Sozlungz—Yeznanz Lijbanj camh- dingh baenz diuzroen doeng song mbiengj. Seizneix, diuzroen Sozlungz mbiengj Cungguek gaenq hwnqbaenz diuzroen haeujok gyaiq gak 2 diuz, boiq miz gij sezsih sezbei gamguenj doenggvan cinwngz senhcin, guh ndaej vunz haeujok gyaiq binaengz 100 fanh vunzbaez.

Ciuq cam rox, diuzroen Sozlungz haicuengq daehyinh, yaek lai coi Cungguek Yeznanz dieg bien’gyaiq doxlienz doxdoeng, daezswng gij suijbingz gaicawx lai bienhleih. Doengzseiz, goujan yaek bienqbaenz aen giuz lienzciep Cungguek caeuq Dunghmungz, daezswng gozci gaicawx liuzdoeng suzdu yienhda, lai gyangqdaemq cienzgoek gaicawx, lai coi song mbiengj doxgaiq baedauq, hawj vunz lai miz hong guh, doinyoengx dieg bien’gyaiq canjnieb gezgou swnggaep caeuq cienjhingz rengzrwd, ok rengz hung bang dieg bien’gyaiq hwngfat ndei saed.

(Denz Hihyaz Gvanj Linzvaz Maj Cwngzhau)