2 nyied 28 hauh, Fuconh Yauzcuz Swciyen Sinhvaz Yangh guh ciet ganjroeg, gyoengq beixnuengx gak cuz doxcomz diuqfoux、eu fwen、guh ceiz, angqyangz gvaq ciet. Binaengz liggaeuq ndwenngeih coit dwg ciet ganjroeg Yauzcuz, gyoengq vunz Yauzcuz guh ceiz, baenj baenz aen hung lumj doengzleij, coeg haeuj nye faexcuk bae, heuhguh “ceiz duzroeg”, aeu bae baek youq gyang reih gyaeuj naz, hawj roeg dot gwn nem bak de, hawj de mbouj caiq bae dot gohaeux lo. Gyoengqvunz guh gij saeh neix, maqmuengh bimoq fwn yinz rumz swnh, haeuxliengz baenz lai. Ndaw doz dwg vunzlai cingq diuqfoux. (Liu Cujbingz)