Sinhvazse Baekging 3 nyied 2 hauh dienh 《Siz Ginbingz Ginghci Vwnzsenj》 gienj daih’it Cunghgung Cunghyangh Dangjsij Caeuq Vwnzyen Yenzgiuyen bien haenx, mboengqneix youz Cunghyangh Vwnzyen Cuz- banjse okbanj, youq daengx guek fathengz.

Cibbet Daih Dangj doxdaeuj, bungz daengz aen gozci vanzging yiemzhaenq fukcab caeuq aen yinvu ndaw guek gaijgwz hwngfat onjdingh, Dangjcunghyangh aeu Siz Ginbingz guh goek de dingjmaenh yawj daihseiq、maeuz daengxbuenz、guh saedsaeh, cienzmienh gyagiengz dangj maeuzveh caeuq doengjit lingjdauj hong ginghci, mboujduenh lai laeg roxyiuj gij gvilwd hong ginghci, dwen ok baenzroix leixniemh moq swhsiengj moq canloz moq, yinxlingx guek raeuz ginghci hwngfat aeundaej cingzcik doenghbaez caengz miz gvaq、miz bienqvaq doenghbaez caengz raen gvaq, guhbaenz le Siz Ginbingz ginghci swhsiengj. Siz Ginbingz ginghci swhsiengj dwg dingz gapbaenz youqgaenj aen swhsiengj sevei cujyi miz daegsaek Cungguek seizdaih moq Siz Ginbingz, dwg gij gyoebgyonj gingniemh saedguh hwngfat ginghci seizdaih moq, dwg gij ndei swhsiengj dijbauj Cunghgoz Gungcanjdangj mboujsoeng damqra guhbaenz diuzroen hwngfat ginghci sevei cujyi, haigvangq le aen deihbouh moq cwngci ginghciyoz sevei cujyi miz daegsaek Cungguek, bang rengz lai hwngfat Majgwzswh cujyi cwngci ginghciyoz, bang doinyoengx guek raeuz ginghci hwngfat ndei saed、gohyoz wngqdoiq fungyiemj deuqnyex hungnaek、cienzmienh hwnqguh aen guekgya yendaiva sevei cujyi gunghawj aen vujgi swhsiengj soemraeh.

《Siz Ginbingz Ginghci Vwnz- senj》 gienj daih’it, souloeg gij faenzcieng ceiq youqgaenj、ceiq giekdaej gvendaengz guh ginghci mboengq 2012 nienz 11 nyied daengz 2024 nienz 12 nyied Siz Ginbingz dungzci， gungh miz baugau、gangjvah、yienjgangj、cijsi、vahbae daengj 74 bien. Mizmbangj faenzcieng dwg baez nduj goenghai fatbiuj.

《Siz Ginbingz Ginghci Vwnz- senj》 gienj daih’it okbanj fathengz, daengx dangj daengx guek bouxminz haeujlaeg hagsib gvancez aen swhsiengj sevei cujyi miz daegsaek Cungguek daegbied dwg Siz Ginbingz ginghci swhsiengj miz cek sawsonhag gienzvi, caeuq gyoengq ganbu ginzcung haeujlaeg roxyiuj gij yiyi gietdingh “song aen dinghlaeb”, demgiengz “seiq rox”、giendingh “seiq aen gagsaenq”、guh daengz “song aen henhoh”, engqgya gaenjndaet doxgiet youq seiqhenz aen Dangjcunghyangh aeu Siz Ginbingz dungzci guh goek,cienzmienh gvancez gij cingsaenz Ngeihcib Daih caeuq Ngeihcib Gaiq Ngeihcung、Samcung Cienzhoih Dangj， dingjmaenh aen diuh goek guhhong ndaw onj ndaej baenaj， caezcingj cinjdeng cienzmienh gvancez aen leixniemh hwngfat moq, gyavaiq cauhlaeb aen gwzgiz hwngfat moq, netsaed doinyoengx hwngfat ndei saed, caenh’itbouh cienzmienh haeujlaeg gaijgwz, caezhoz comz rengz、haenqguh baenaj， bang cienzmienh doicaenh hwnqguh aen guek ak miz gij yendaiva yiengh Cungguek、gij saehnieb hungmbwk fukhwng minzcuz bae doxgiet buekguh, miz yiyi youqgaenj.