Mbanjranz gou youq Gvangjsih Gveigangj Si Cinzdangz Gih, gizneix ok ngaeux lai, ndaej vunz haenh guh “mbanjranz ngaeux”. Gizneix bya heu raemx saw, hoengheiq singjsien, binaengz seizhah, gizneix va’ngaeux hai rim liux rim nauq, lengjgyaeu dangqmaz, nyex haujlai bouxhek daeuj youz.

Gij gyaeu mbanjranz, mboujdan seizhah gyaeu, daengx bi seiq geiq cungj lengj.

Gij gyaeu seizcin mbanjranz, daj va byaekyouzcaiq hainduj.

Binaengz seizcin, ndaw doengh- naz vayouzcaiq doxdax hailangh, daj sang muengh doxroengz, ndaej raen va saek henj benq rangh benq lumj haij nei. Seizcin mbanjranz, ndaw hoengheiq cungj fwi rim gij feihdauh vayouzcaiq, varang yinx haujlai duzrwi gaenxhong daeuj, duzmbaj hix daeuj caemz gij nauhyied neix.Gyoengqvunz daeuj youz cin haenx, youq ndaw vahaij ra gij rizdin seizcin, cungj sij mbouj ndaej baema.

Gij gyaeu seizhah mbanjranz, daj va’ngaeux hainduj.

Ndwenngux ngamq dwg “bitngaeux loh gyaeuj soemsetset”, ndwencaet gaenq dwg “mbawngaeux rangh mbwn heusausau, va’ngaeux baenz sau maeqmwdmwd”. Baez yamq haeuj ranghdieg ndaem ngaeux、guekgya AAAA gaep lijyouz gingjgih Hoz Meij Cinzdangz bae, gingjsaek gwnz diuz roen hawj vunz danqhaenh mbouj dingz. Swnh rumziq byaij haeuj nazngaeux muengh mbouj raen hamq neix, seiqhenz cungj dwg rangfwtfwt, lumj yaek luemx boux hekyouz liux. Cungjloih va’ngaeux baenz bak baenz cien cungj, miz haujlai saek gangj mbouj ok gij coh de, lij miz haujlai binjcungj caengz raen gvaq, hoeng dujduj cungj hai ndaej moqsaksak oiqdupdup, va maeq mbaw heu, hawj vunz yawj ndaej gaeuq liux, yawj ndaej maez lo.

Gij gyaeu seizcou mbanjranz, daj ngaeux rang hainduj.

Seizcou Cinzdangz, danghnaeuz aeu gingjgyaeu daeuj dajbeij, dauq mboujyawz yungh feihrang daeuj dajbeij engq babngamj. Seizcou ngaeux baenz, vunz Cinzdangz maij hek haenx couh banh ciengz “laeujfox” ndeu daeuj dakdaih hekgviq gizgyae. Ceiq hawj vunz lumz mbouj ndaej couh dwg ciengz hoihlaeuj cungj dwg gwn ngaeux: Ceizngaeux youh unqnah youh rangdiemz, bingjngaeux cien youh byot youh habbak, ngaeuxgaiq cauj youh diemz youh dwgbak, dang ndok aeuq ngaeux youh mboeng youh homrang, ngaiz mokndoek rang go- ngaeux feihdauh roenx seiqlengq······

Gij gyaeu seizdoeng mbanjranz, daj nae mwi hainduj.

Byabingzdenhsanh seizdoeng, gizgiz cungj gyaeu lumj ndaw gojlwgnyez nei! Gova gorum gofaex lumj daenj geu buhrog ronghliklik ndeu, ndit baez ciuq cungj ndongqbyambyam, hawj vunz lumj byaij haeuj aen biengz nae mwi ndaw fangzhwnz nei. Mwi、 naehang hausaksak giet youq gwnz gocaz, lienz vacaz hix daenj geu buh moq seizdoeng daegdingh guh. Ndwn youq gwnz dingj bya muengh gvaqbae, daengx bya cungj dwg hausaksak seuqsatsat. Neix couh dwg gij gyaeundei Cinzdangz seizdoeng gag miz.

Neix couh dwg mbanjranz gou——Cinzdangz. Giz dieg iqet neix, moix aen geiqciet cungj miz gij gyaeundei daegbied de. Gou gyaez mbanjranz gou !

家乡真美

我的家乡位于广西贵港市覃塘区，这里盛产莲藕，素有“莲藕之乡”的美称。这里环境优美，空气清新，每年夏天，这里开满了荷花，美不胜收，游客纷纷慕名而来。

其实，我家乡的美，不只美在夏天，而是美在一年四季！

家乡春天的美，从油菜花开始。

每年春天，田野里的油菜花竞相开放，从高空俯瞰，能看到一片接一片的黄色花海。家乡的春天，空气中都弥漫着油菜花的味道，花香吸引来许多勤劳的小蜜蜂，蝴蝶也加入了这场热闹的“集会”。踏青的人们，在花海中探寻春的足迹，在花海里流连忘返。

家乡夏天的美，从荷花开始。

五月份“小荷才露尖尖角”，七月份已经是“接天莲叶无穷碧，映日荷花别样红”。从踏进莲藕产业示范区、国家AAAA级旅游景区荷美覃塘的大门开始，一路的风景让人止不住赞叹。迎着微风，走进那一望无际的荷田，四周散发出幽幽的荷香，仿佛要把人的一切封印在这个夏日之中。荷花的种类成百上千，有许多说不出的颜色，还有很多没见过的品种，但每一朵都是那样的娇翠欲滴，红花绿叶给人一场视觉上的盛宴。

家乡秋天的美，从藕香开始。

覃塘的秋天，如果要用美来形容，倒不如用美味来形容更为贴切。秋天是莲藕丰收的季节，好客的覃塘人会用一场“舌尖上的盛宴”来招待远方的贵客。最让人念念不忘的便是那全藕宴：软糯香甜的莲藕丸子，酥脆可口的香煎藕饼，清爽甜脆的炒藕片，粉糯的莲藕筒骨汤，香味四溢的荷香竹筒饭······

家乡冬天的美，从雾凇开始。

冬日里的平天山，每一帧都美得像童话。花草树木纷纷披上了晶莹的外衣，在光的照耀下闪闪发亮，让人仿佛走进如梦似幻的冰雪世界。洁白的霜花、冰凌附在茶树上，就连茶花也穿上了冬日限量版的新衣服。站在山顶一眼望去，满是银装素裹，这是独属于覃塘冬日里的美。

这就是我的家乡——覃塘。这么一个小小的地方，每个季节都有它独特的美。我爱我的家乡！ （lauxsae son raiz: Veiz Meijsenh / 指导老师：韦美先）