（Bonjbau siusik gicej Se Liengzyij/谢梁雨）Rumzcin guhdoih byaij roen moq, haenqrengz buekguh coh daihbuenz. 2 nyied 5 hauh gyanghaet, gvaq cieng ma ngoenz daih’it hwnjban, Swcigih Minzcunghveij boux dangjcuj suhgi、bouxcujyin, Swcigih Dangjveij Dungjcanbu bouxfubucangj Lij Cinlinz daiq lingjdauj banhswj daengz veijgihgvanh gak cusiz、danhvei cizsuz yawj nai ganbu cizgungh, dongx daihgya haicieng ndei, cuknyienh bi moq engq ndei.

Baez daengz giz ndeu, veij lingjdauj cungj caeuq ganbu cizgungh gangjgoj doxndiep, saeqsim cam vunzlai guhhong、saehceij baenzlawz yiengh, haenh bi’gvaq gyoengqvunz gaenxmaenx lai, muengh daengxcungq ganbu cizgungh youq bi moq cienzmienh gvancez doeksaed gij cingsaenz Baez Ngeihcib Daih caeuq Baez Ngeihcungh、Samcungh Cienzhoih Gaiq Ngeihcib Dangj raeuz, haeujlaeg hagsib gvancez Siz Ginbingz cungjsuhgi gij swhsiengj youqgaenj gvendaengz gyagiengz caeuq gaijndei hong minzcuz、gij gangjvah youqgaenj gvendaengz hong cunghgyau、gij iugouz youqgaenj lwnh hong Gvangjsih. Aeu couqmaenh gij eiqsik caezcaemh Cunghvaz Minzcuz guh sienqmeh, genhciz yawjnaek saedguh、 cauhmoq guh hoenz, aeu cingzsik guh’ak、 hawj yinzminz daeuj bingz. Cienzmienh doicaenh hwnqguh caezcaemh Cunghvaz Minzcuz, laebdaeb doicaenh Gvangjsih guh cunghgyau guek raeuz gag hab gij guekcingz Cungguek byaij laeg guh saed, haenqrengz ceng guh bouxdaiqdaeuz couqmaenh gij eiqsik caezcaemh Cunghvaz Minzcuz, guh hong minzcuz doxgiet baenaj laebdaeb byaij youq gaxgonq daengx guek、okrengz guhyiengh bae daiqdoengh vunzlai.