Danghnaeuz miz vunz cam gou, mbanj mwngz gizlawz ceiq gyaeundei? Gou yaek miznaj dwk naeuz, Bingzlungz Suijgu ceiq gyaeundei!

Suijgu liz ranz gou gig gyawj, daihgaiq couh liz bak mij. Suijgu doiqnaj dwg goengq bya doxlienz mbouj duenh. Ndaw suijgu cungqgyang miz sam gong ndoi doed hwnj, dou heuh de guh dauj iq, gwnz dauj iq faex heu baenz raemh, daj gizgyae yawj, couh lumj sam naed rinnyawhloeg fouz youq gwnz raemx nei. Gwnz hamq, nywj heu swdswd, vaiz youq gwnz diegnywj gwn nywj. Ndaw caz rum hai rim va haj saek, dujva doxdax doxbeij, yienh’ok gij gingjsiengq hwngfwdfwd. Roeg iq mizseiz youq byonghmbwn angqyangz dwk mbin, mizseiz dingz youq gwnz ngafaex “cici caca” ciengq go. Raemx ndaw suijgu sawdikdik, duz bya iq nyauh iq ndaw raemx buet bae youz dauq, mizseiz bya iq lij diuq ok najraemx. Gwnz raemx, baenz bang roegraemx cwxcaih dwk youz bae youz dauq, seiz mbouj seiz lij ngauz rieng fid gyaeuj lumj cingq diuq foux nei.

Seizcin, raemx suijgu caengz hwnj, congzdah maj ok baenz benq rum oiq, yinx vunzlai bae suijgu youz cin, youq seizde, gyoengq lwgnyez ceiq maij daeuj henz suijgu cuengq yiuhrumz. Gou hix gingciengz caeuq doengzdoih bae cuengq yiuhrumz, yawj yiuhrumz mbin ndaej gig sang, ndaw sim angq dangqmaz.

Seizhah, gyoengq lwgnyez cuengq sujgyaj lo, couh miz bouxlaux daiq lwgnyez daeuj gizneix youzraemx, gij lwgnyez cauq haenx duet buh ndonj haeuj ndaw raemx bae, couh lumj duz bya iq nei, youq ndaw raemx angqyangz dwk youz bae youz dauq, mizseiz lij yaek caem roengz daej raemx bae, gip aeu di rin’gyaeq lwenq, beijbeij bouxlawz gip ndaej gij rin ceiq ndeiyawj.

Seizcou, dienheiq liengz lo, habngamj youzbyaij. Gwn caeuz gvaq le, gyoengqvunz sam haj baenz bang bae suijgu youzbyaij, doq gangjgoj doq yawj gij gingj gyaeundei seizcou, cwxcaih dangqmaz.

Seizdoeng, ndaw suijgu raemx mboek daemq lo, doenq ok baenz benq dieghoengq. Gyoengqvunz youq gwnz dieghoengq bing doxgaiq gwn, gyoengq lwgnyez guh’angq, miz mbangj lij gip rinbenj、ngvaxbenq youq henz raemx dwk retfet, nauhyied raixcaix. Youq aen geiqciet neix, gou roxnyinh ceiq mizyinx dwg caeuq daxboh bae gaeb bya. Aenvih seizdoeng mbwn nit, baez daengz mbwn doek mwi, rieng byalozfeih deng mwi gyaengj, couh cungj youz daengz giz feuz miz sa bae, yaek cak hawj gij mwi gwnz ndang lot ok. Dou riuj aen doengj daengz henz suijgu bae, mbouj yungh geijlai rengz couh lauz ndaej haujlai bya.

Gij gingjsaek suijgu gig gyaeundei, dwg aen suenangq gou. Gou gyaez aen suijgu mbanjranz gou.

美丽的水库

要是有人问我，你家乡什么地方最美呀？我会说自豪地说，家乡的平龙水库最美。

平龙水库离我家很近，大概就一百米。水库对面是连绵起伏的群山。水库中间有三个隆起的土坡，我们称它为小岛，岛上绿树成荫，从远处看，就像水上漂着的三颗翡翠。岸上，绿草如茵，牛儿在那悠闲地啃着草。草丛里五颜六色的花朵竞相开放，呈现出生机勃勃的景象。小鸟时而在空中快乐地飞翔，时而停在树上“叽叽喳喳”唱歌。水库里的水清澈，一群群小鱼小虾在水中欢快地游来游去，偶尔有些鱼儿还会跃出水面。水面上，有水鸟优哉游哉地浮游着，不时还摇摇尾巴，晃晃脑袋，像是在跳舞呢！

春天，水库的水还没涨，河床冒出一片新绿，引得很多人到水库踏青，这时候孩子们最喜欢在水库边放风筝了。我也时常和小伙伴们去放风筝，看着高高飞起的风筝，开心极了。

夏天，孩子们放暑假,就会有家长带孩子来到这里游泳，调皮的孩子脱光衣服钻到水里，就像一条条小鱼，在水里欢乐地游来游去，有时还会沉入水底，捡上一些光滑的小鹅卵石，比比谁的最漂亮。

秋天，天气凉爽，很适合散步。吃过晚饭，人们三五成群来到水库散步，一面拉家常，一面欣赏美丽的秋景，悠闲自得。

冬天，水库的水位下降了，露出成片空地。人们在空地上做烧烤，孩子们做游戏，还有的跑到水边打水漂，可热闹了。这个季节，我觉得最好玩的是和爸爸去抓鱼。因为冬天天气冷，一到霜冻的天气，罗非鱼的尾巴被冻住了，纷纷游到有沙子的浅滩去磨掉覆盖在身上的霜，我们拿个水桶去水库边不费一点力气就能捞到很多鱼。

水库景色优美，是我的乐园。我爱家乡的水库。

（lauxsae son raiz: Vuz Cibingz /指导老师:吴志平）