Gou miz aen siengjfap iq ndeu, couh dwg naengh dungceh bae youzlangh.

Seizneix, aen simnyienh gou yaek ndaej baenz la! Daxboh ngoenzcog daiq gou naengh dungceh bae Nanzningz youz. Haemhneix, gou ninz youq gwnz mbonq fan bae fan dauq cungj ninz mbouj ndaek, aenvih gikdoengh lai la! Gou muengh ha muengh, mbwn dauqdaej rongh lo.

Gou caeuq daxboh gip ndei doenghyiengh, gwn ngaizhaet sat le couh daeuj daengz Gveigangj Si Hojcehcan. Daxboh son gou aeu sinh- fwncwng cat gaj, doeng gvaq daih- it aen gvan lo. Caen saenzgeiz ha! Dou daeuj daengz daihngeih aen gvangaj——angenj. Boux daxheiz ndeu gaem aen doxgaiq lumj mbaenqfaex nei youq gwnz ndang gou baet bae baet dauq, yawjyawj gwnz ndang gou miz mbouj miz doxgaiq yungyiemj. Gou caeuq daxboh swnhleih doenggvaq angenj, daeuj daengz dinghung ngeih laeuz caj ci. Dingcajci caen gvangqlangh, cungqgyang dwg cieng eij baenz baiz baenz baiz hawj bouxhek naengh caj ci, seiqlengq lij miz haujlai diemq gai gijgwn.

Dou caj yaep ndeu, genj biuq seizgan daengz lo. Gou caeuq daxboh gaem sinhfwncwng cat gaj haeuj camhdaiz bae. Dou ndwn youq rog di- byauhsen baizdoih caj ci. Gou muengh diuz loh diet dungceh yaek gvaqdaeuj haenx, geizheih dwk siengj:“Dungceh dwg baenzlawz buet ne? De rox mbouj rox yiengj lahbah ne?” Seizneix, song sing lingz raezrangrang yiengj hwnj, gou muengh gizgyae, dungceh daeuj la！Dungceh raezrangrang haenx youq gwnz diuz lohdiet bonghfafa gvaqdaeuj, couh lumj duz lungzhau ndangrengz coekcwt！“Lungzhau” menhmenh dingz roengzdaeuj lo, gou caeuq daxboh dieb hwnj “lungzhau”, hawj de doz dou bae gizdieg youzlangh Nanzningz.

Youq gwnz loh, dungceh ginggvaq bya sang doenghnaz, funggingj rog ci youq dangqnaj mbin gvaq, sojmiz gingjsaek lij caengz ndaej gib yawj cingcuj ne! Dungceh buet ndaej caen vaiq ha, roxnyinh ngamqngamq naengh ndei, couh daengz Nanzningz lo. Dou byaij roengz dungceh, daeuj daengz camh didez. Gou hix dwg baez daih’it naengh didez, caen dwg gikdoengh raixcaix！Didez couh lumj duz lungzraez boemx youq laj namh. Gou caeuq daxboh naengh hwnj “lungzraez” bae Nanzningz Dung- vuzyenz lo.

Banringz, gou caeuq daxboh daeuj daengz Nanzningz Dung- vuzyenz, gou yawjraen duzciengh、gukhau、haijdwnz、duzmui、duzngwz、duzgaeng……

Bancaeuz, dou youzlangh sat lo, dou youh naengh hwnj dungceh, angqvauvau dwk dauqma lo. Baez- laeng, gou siengj naengh dungceh bae Bwzgingh Denh’anhmwnz yawjyawj!

我的第一次动车之旅

我有一个小小的愿望，就是坐上动车去旅行。

现在，我的愿望要实现啦！爸爸明天要带我坐动车去南宁旅行。这一晚，我躺在床上翻来覆去睡不着，因为我太激动啦！我盼呀盼，天终于亮了。

我和爸爸收拾好行李，吃好早餐就来到贵港火车站。爸爸教我用身份证刷卡，通过了第一个关卡。真神奇呀！我们来到第二个关卡——安检。一个阿姨拿着一根棒子在我身上扫来扫去，看看我身上有没有危险品。我和爸爸顺利通过安检，来到了二楼的候车厅。候车厅很宽敞，中间是一排排给客人候车的座椅，周围还有好多小吃店。

我们等待了一会儿，检票的时间到了。我和爸爸拿着身份证刷卡进了站台。我们来到站台，站在地标线外排队等候动车驶来。我顺着铁轨望着动车即将驶来的方向，好奇地想：“动车是怎样奔跑的呢？它会不会打喇叭呢？”这时，两声长长的哨声响起，我向远方望去，动车来啦！那长长的动车快速在轨道上奔驰，就像一条威武雄壮的白龙！“白龙”慢慢停了下来，我和爸爸登上“白龙”，向我们的旅行地点南宁出发。

一路上，动车经过高山田野，车外的风景在我眼前飞过，一切都还没来得及看清楚呢！动车速度真快呀，感觉才刚刚坐下，南宁就到了。我们下了动车，来到了地铁站。我也是第一次坐地铁，真是太激动了！地铁就像一条潜伏在地下的长龙。我和爸爸坐上“长龙”去往南宁动物园。

下午，我和爸爸来到了南宁动物园，我看见了大象、白虎、海豚、棕熊、蛇、猴子……

傍晚，我们游览结束了，我们又坐上动车，愉快地返程了。下次，我想坐上动车，去北京天安门看看！

(lauxsae son raiz: Veiz Caijfangh / 指导老师：韦彩芳)