Vih haeujlaeg hagsib gvancez gij swhsiengj youqgaenj Siz Ginbingz cungjsuhgi gvendaengz gyagiengz caeuq gaijndei hong minzcuz, cienzmienh gvancez lozsiz gij iugouz youqgaenj gvendaengz hong Gvangjsih Siz Ginbingz cungjsuhgi gangj haenx, Gveigangj Si haiguh hozdung ciendaez lwnhgangj couqmaenh gij eiqsik caezcaemh Cunghvaz Minzcuz.

Baez ciendaez lwnhgangj neix guh yienh(si、 gih)、 yanghcin(diuzgai)、 mbanj(segih)、 hagdangz、 sevei cujciz、 giyez daengj gungh cibseiq aen cienciengz. 12 nyied 6 hauh, ciengz daih’it youq Gveigangj Si Gangjnanz Gih Can’gyangh Cin Yinzminz Cwngfuj guh, dangjyenz ganbu caeuq gak cuz ginzcung gungh caetcib vunz camgya.

Hozdung iugouz gak gaep lingjdauj ganbu daiqdaeuz guhyiengh, yungz senhconz caeuq lwnhgangj couqmaenh gij eiqsik caezcaemh Cungh- vaz Minzcuz haeuj ndaw hong diucaz yenzgiu caeuq ngoenznaengz bae. Gak dieg gak bumwnz gak danhvei laeb donzlwnhgangj bae gihcwngz, caeuq ginzcung gangjgoj doxlwnh, bae gyawj ginzcung lwnhgangj. Dazyinx daengx si dangjyenz ganbu caeuq gak cuz ginzcung laebmaenh aen leixniemh “maeuz daengx buenz bietdingh aeu maeuz hong minzcuz, maeuz hong minzcuz couhdwg maeuz daihbuenz”, laebmaenh aen leixniemh caezcaemh “seiq aen doxcaemh”, demlai “haj aen nyinh- doengz”, couqmaenh gij eiqsik caezcaemh Cungh- vaz Minzcuz.

(唐远全/Dangz Yenjcenz)